Saturday, July 24, 2010

ദൈവത്തിന്‍റെ തൊപ്പി (ഏകാംഗ നാടകം)

ഗ്രീന്‍ റൂമാണ് രംഗം
അയയില്‍ തൂങിയാടുന്ന വേഷങള്‍
മുഷിഞ്ഞവ,നിറപ്പകിട്ടുള്ളവ,നിറം കെട്ടവ
കോമാളിമുതല്‍ ഗാന്ധിവരെയുള്ളവര്‍ക്ക് ധരിക്കാവുന്നവ

രാജവിനുള്ള കിന്നരിവെച്ച തലപ്പാവുമുതല്‍
കോരന്‍റെ പഴയ കുബിള്‍തൊപ്പിവരെ
ആണിനും പെണ്ണിനും ധരിക്കാവുന്നവ
ആണും പെണ്ണും കെട്ടവര്‍ക്കും ധരിച്ചു നോക്കാവുന്നവ
നിറങളുടെ ഒരു കടല്‍
മേശമേല്‍ തൊപ്പികള്‍,
തലപ്പാവുകളൊ അതിലധികം

വയലില്‍ പണിയെടുക്കുന്നവന്‍റെ പാളതൊപ്പിയും
രാജ്യം പോയവന്‍റെ കിരീടവും
ഗാന്ധിതൊപ്പിയും
ബിഷപ്പിന്‍റെ തൊപ്പിയും വ്യത്യസ്തം
പട്ടാളക്കാരന്‍റെ വിരഹവും രക്തവും കലര്‍ന്ന തൊപ്പി.

സായ്പിന്‍റെ തൊപ്പികളൊ നിരവധി
കൂര്‍ത്തതും പരന്നതും ചരിഞ്ഞതും തലതിരിച്ചിടുന്നതും അങിനെ എത്രയെത്ര

ഇനിയുമുണ്ട് തൊപ്പികളേറെ
രക്ത നക്ഷത്രം മുത്തംവെക്കുന്ന ബോളീവിയന്‍ തൊപ്പി
വിയറ്റ്നാമിന്‍റെ സഹനത്താല്‍
കീറിയ കൂര്‍ബന്‍ വൈക്കോല്തൊളപ്പി
കുങന്മാരെ പറ്റിച്ച അബ്ദുള്ളയുടെ പഴയ തുണിതൊപ്പിയേക്കാളും
രസകരം കോമാളിതൊപ്പിക ളുടെ കാര്യമാണ്


പോലീസുകാരന്‍റെ വിയര്‍പ്പിന്‍റേയും എണ്ണയുടേയും പാടപറ്റിയ തൊപ്പി
കള്ളന്‍റെയും കാമുകന്‍റേയും കൌശലതൊപ്പി
കള്‍
തോറ്റുതൊപ്പിയിട്ട നാടകക്രത്തിന്‍റെ തൊപ്പി
ചെകുത്താന്‍റെ തൊപ്പിയുടെ ചന്തം കാണുബോഴാണ്
ദൈവത്തിന് തൊപ്പിയില്ലല്ലോ എന്ന് നമുക്കോര്‍മ്മ വരിക
തൊപ്പികള്‍ നാനാവിധം
ഒരോ തൊപ്പിക്കുണ്ട് ഒരോ കഥ
അത് തൊപ്പിയുമായി കളിക്കുന്നവര്‍ക്കേ അറിയൂ

ജീവിതവുമായി കെട്ടിമറിഞ്ഞ് തോറ്റുതൊപ്പിയിട്ടവര്‍ക്കറിയില്ല.

കുപ്പായങളും തൊപ്പികളും കഴിഞാല്‍ പിന്നെയുമുണ്ട്
ചമയക്കാര ന്‍റേ കയ്യില്‍ പലതും

കളിമണ്‍ തലകളില്‍ ഒട്ടിച്ചുവെക്കാവുന്ന വിഗ്ഗുകള്‍
കഷണ്ടിയെ മറക്കാനോ മറയ്ക്കാനോ ഉള്ളവ
യുവാവിനെ വ്രദ്ധനും ബാലനെ ബാലികയും
യ്യൌവ്വനത്തെ യയാതിയുമാക്കുന്ന മുടിഞ്ഞവിദ്യകള്‍
ഉറഞുതുള്ളുന്ന വെളിച്ചപ്പാടിനും
രക്താക്രാന്തയായ യക്ഷിക്കും ചേര്ന്നഞ പനക്കുല മുടികള്‍
വിഗ്ഗുകള്‍ അലങ്കരിച്ച മരിച്ചതലകള്‍ നിരന്നുനില്ക്കുന്ന
മേശയില്‍ഇനിയുള്ളത് ചായം പകര്ന്ന പാത്രങളാണ്

ഇപ്പോള്‍ ചമയക്കാരനും റെഡി
ഇനിയാണ് നാടകം
ആരാണ് അഭിനയിക്കുക?
അരാണ് ചമയമണിയുക?
പ്രേക്ഷകരില്നികന്നാരെങ്കിലും വരുന്നതാണ് നല്ലത്
വരുന്നവന്‍ ആരുമാകട്ടെ,
ചമയങളണിയാന്‍ തയ്യാറുള്ളവര്‍ ആവണമെന്നുമാത്രം
വേഷംകെട്ടാന്‍ തയ്യാറുള്ളവനായിരിക്കണം

കയറിവരുന്നവന്‍
കണ്ണാടിക്ക് നേരെ തിരിഞ്ഞിരിക്കട്ടെ

ഇനി ചമയക്കാരന്റെ പണിയാണ്
അയാള്‍ തന്റെഞ ഇരയെ പ്രേക്ഷകര്ക്ക് പിന്മുനഖമായി ഇരുത്തുന്നു.
അദ്രശ്യനായ കണ്ണാടിയില്‍ നോക്കി ഇരിക്കുക മാത്രമാണയാള്ക്ക് ജോലി
ബാക്കിയെല്ലാം ചമയക്കാരന്‍ ചെയ്തുകൊള്ളും
ഇപ്പോള്‍ ദൈവത്തിന്റെഇ വിരലൂകളാണ് ചമയക്കാരന്റേ‍ത്
അയാള്ക്ക ത്കൊണ്ട് തന്റെറ ഇരയെ ദൈവമോ ചെകുത്താനോ ആക്കാം
കള്ളനും പോലീസുമാക്കാം
കാമുകനെയും കാമുകിയേയുമാകാം
തെണ്ടിയും പ്രധാനമന്ത്രിയും അയാള്ക്ക്ഇ വെറും വരകള്കോേണ്ടുണ്ടാക്കാം
വാദിയേയും പ്രതിയേയും
വഴിയില്‍ വീണുപോയ സൈനീകനേയും
ചൊറികുത്തിയ ദുരിതകുമാരന്മാരേയും
അവിഹിത ഗര്ഭി ണികളേയും
നിമിഷങള്കൊഭണ്ട്.

ചെകുത്താനും രാജാവും
ജാരനും
അയാള്ക്ക് വെറും പുഷപം
ചമയങളുടെ സമയം കഴിയുന്നു.
ഇനി പ്രേക്ഷകര്‍ക്ക് ഉത്തരം കണ്ടുപിടിക്കാനുള്ള അവസരമാണ്

അദ്രശ്യമായ ഗ്രീന്‍റൂമിലെ കണ്ണാടിയിലേക്ക് നോക്കി
പ്രേക്ഷകര്‍ക്ക് പുറംതിരിഞ്ഞിരിക്കുന്ന ഇരയെ ചൂണ്ടി
ചമയക്കാരന്‍ ചോദിക്കുന്നു

ആരെയാണ് ഞാന്‍ സ്രഷ്ടിച്ചത്?
ആരാണ് നിങള്‍ക്ക് പുറം തിരിഞ്ഞിരിക്കുന്നത്?

പ്രേക്ഷകര്‍ക്ക് ഒരോരുത്തര്‍ക്കും ഉത്തരം പറയാന്‍ അവസരമുണ്ട്
അതാണീ നാടകത്തിന്‍റെ പ്രതേകത
പറയൂ...... ആരെയായിരിക്കും ഞാന്‍ സ്രഷ്ടിച്ചത്?
അതെ.പ്രേക്ഷകര്‍ ഒരൊരുത്തരായി അവരുടെ ഉള്ളിലുള്ളത്പുറത്തെടുക്കുന്നു
യേശുവിനെ കിരിശിലേറ്റിയ ശൌര്യം പുറത്തുവരുന്നു
പ്രേക്ഷകരില്‍ ഒന്നാമന്‍ വിളിച്ചു പറഞ്ഞു

" കള്ളന്‍"

ഉടന്‍ രണ്ടാമന്‍ തിരുത്തി
'അല്ല,അത് രാജാവാണ്"
പിന്നെ ഒരൊരുത്തരായി അവരുടെയുള്ളിലെ
അവരാഗ്രഹിച്ച കഥാപാത്രത്തെ തിരിച്ചറിഞ്ഞു
പോലീസ്
കാമുകന്‍
യാചകന്‍
അച്ചന്‍
അമ്മ
മീന്‍കാരന്‍
പട്ടാളക്കാരന്‍
നേതാവ്-- കഥാപാത്രങളുടെ പട്ടിക അവസാനിക്കുന്നില്ല
പുരോഹിതനും
അഭിസാരികയും
കലാകാരനും കള്ളനും
രോഗിയും വൈദ്യരും
ചക്രവര്ത്തി്യും
കൊലപാതകിയും
ജഡ്ജിയും
ഭാര്യയും
ഒറ്റുകാരനും
കവിയും

എല്ലാം ഒന്നൊന്നായി ഒരോരുത്തരുടെ മനസ്സിലും നാക്കിലും നിറഞ്ഞു.

“’മതി നിര്ത്തു ക നിങളുടെ ആരോപണങള്‍...”’എന്ന് ചമയക്കാരന്‍
പറയുന്നത് വരെ പ്രേക്ഷകര്‍ തങളുടെ ആരോപണങളുമായി ബഹളം വെച്ചുകൊണ്ടിരുന്നു.

‘’അതെ നാടകം അവസാനിപ്പിക്കാന്‍ സമയമായി
നോക്കൂ ഈ വിരലുകള്‍ നോക്കൂ....ദൈവത്തിന്റെം ഈ വിരലൂകള്‍ നോക്കൂ...ഇത്
കൊണ്ട് എനിക്ക് സ്രഷ്ടിക്കാനാവുന്ന എല്ലാ വേഷങളും നിങള്‍ പറഞ്ഞു കഴിഞ്ഞു.ഒരാള്ക്ക് ഇത്രയധികം വേഷങള്‍ ആകാന്പ റ്റുമെന്നും നിങള്ക്ക്ര ഇനി സമ്മതിക്കാമല്ലോ

അതിനാല്‍ ഞാനിതാ ഈ നാടകം ഇവിടെ അവ്സാനിപ്പിക്കാന്‍ പോവുകയാണ്
നിങള്‍ ഇയാളില്‍ കണ്ടേത്തിയതോ ആരോപിച്ചതോ ആയ കഥാപാത്രവുമായി മുന്നോട്ടുതന്നെ പോവുക”
ചമയക്കാരന്‍ അതുവരെ പ്രേക്ഷകര്ക്ക് പുറംതിരിഞ്ഞിരുന്ന തന്റെി ആരോപിതനെ പ്രേക്ഷകര്ക്ക്ി നേരെ തിരിച്ചു നിര്ത്തുറന്നു.
അതെ ഒന്നും സംഭവിക്കാത്ത മട്ടില്‍ അയാള്‍ പഴയ പടിതന്നെ നമുക്ക് മുന്നില്‍ നില്ക്കു ന്നു.
ചമയങളൊന്നുമില്ലാതെ;പച്ചയായി.
ആയാള്‍ തന്റെ് ഭാഗം അഭിനയിച്ചു കഴിഞ്ഞുവെന്ന മട്ടില്‍ തിരിച്ചു നടക്കുബോള്‍…. ചമയക്കാരന്‍ തനിക്ക്
തൊപ്പി തിരയുബോള്‍…………. നാടകം തീരുന്നു.

Sunday, November 15, 2009

KERALA CAFÉ- BRIDGES TO REALITIES


കേരളാ കഫേ വെറുമൊരു കാപ്പിക്കടയല്ല.

അവാര്‍ഡ് പടത്തിനൊരു ഫോര്‍മുല കച്ചവട സിനിമയ്ക്ക് മറ്റൊരു ഫോര്‍മുല എന്ന് വേര്‍തിരിവുണ്ടാക്കി , കയ്യിലിരിപ്പിന്‍റേയും ഉമ്മിണി വലിയ വായ്ത്താരികളുടേയും പിന്‍ബലത്തില്‍ , തങ്ങളുണ്ടാക്കുന്ന ചരിത്രാവശിഷ്ടങ്ങളുടെ തിരുശേഷിപ്പുകള്‍ക്ക് അവാര്‍ഡുകള്‍ സംഘടിപ്പിക്കുകയോ, അത് കിട്ടാതെ വന്നാല്‍ സങ്കടപ്പെടുകയോ ചെയ്യുന്നവരോട്, ’’ദേ, ഇതൊന്ന് കണ്ടിട്ട് പോവാം,ഒരു കാപ്പിയും കുടിക്കാം’’ എന്ന് സധൈര്യം പറായാന്‍ ‍കഴിയുന്ന, വര്‍ത്തമാനകാല മലയാളി ജീവിതത്തിന്‍റെ പത്തു മുഖങ്ങളാണ് കേരളാ കഫേയിലെ വിഭവങ്ങള്‍.

അബുദാബിയില്‍ നടന്ന മിഡില്‍ ഈസ്റ്റ് ഫിലിം ഫെസ്റ്റിവലില്‍ മലയാളത്തില്‍ നിന്നുള്ള ഒരേയൊരു പ്രാതിനിധ്യമായി എത്തിയ കേരള കഫേ കാണുവാന്‍ ഭാഷാവ്യത്യാസമില്ലാത്ത ജനക്കൂട്ടമാണുണ്ടായിരുന്നത്. പത്ത് സംവിധായകര്‍; അതില്‍ ‍പ്രശസ്തരോ അപ്രശസ്തരോ ഉണ്ടാവാം.. ഒരു കാര്യത്തില്‍ അവര്‍ ഒന്നാണ്; പ്രാഗല്‍‌ഭ്യത്തിന്റെ കാര്യത്തില്‍. സിനിമയോടുള്ള പ്രണയം മനസ്സില്‍ സൂക്ഷിക്കുകയും വയറ്റുപ്പിഴപ്പിന്‍റെ നിര്‍ബന്ധങ്ങളാല്‍ വിപണിക്ക് സമരസപ്പെടുകയും ചെയ്യേണ്ടിവന്നവരുടെ സര്‍ഗ്ഗാത്മകതയുടെ സ്വാതന്ത്ര്യ പ്രഖ്യാപനമായാണ് കേരള കഫേയിലെ സിനിമകളെ കാണാന്‍ കഴിയുക. പിഴവുകളും പാളിച്ചകളുമല്ല ഇവിടെ വിശകലനം ചെയ്യേണ്ടതെന്നെനിക്ക് തോന്നുന്നു. മറിച്ച്, ഇത്തരത്തിലൊരു ആകാശം ഇവര്‍ക്ക് ലഭ്യമാക്കിയ
ആലോചനയെ, അത് മുന്നോട്ടുവെക്കുന്ന കൂട്ടായ്മയെ അഭിനന്ദിക്കുകയാണ് വേണ്ടത്.

വിപണി നിശ്ചയിക്കുന്ന ചട്ടക്കൂടുകള്‍, അനുരഞ്ജനങ്ങള്‍, ഭാഗ്യ നിര്‍ഭാഗ്യങ്ങള്‍ , ലാഭ നഷ്ടങ്ങള്‍ ഇതെല്ലാം നിരന്ന ചതുരംഗപലക പോലെയാണ് വന്‍ മൂലധനത്തിലൂന്നിയുള്ള സിനിമയുടെ ആവിഷ്കാര പരിസരം. അതിശയോക്തിയുടെ കടുത്ത ചായക്കൂട്ടുകള്‍കൊണ്ട് യാഥാര്‍ത്ഥ്യത്തെ മറയ്ക്കുവാനോ പെരുപ്പിക്കുവാനോ സിനിമ തിരക്ക് കൂട്ടുമ്പോള്‍ പ്രേക്ഷകന്‍ വിഡ്ഡികളാക്കപ്പെടുന്നത് പതിവു കാഴ്ചയാണ് ..ഒരു ഉദാഹരണത്തിന്; സിനിമയിലെ കോടതി രംഗം തന്നെ നോക്കാം.ഏതെങ്കിലും കേസില്‍പ്പെട്ടു പോയ ഏത് മലയാളിക്കുമറിയാം കോടതിക്കാര്യങ്ങള്‍ !...ഒരു നിസ്സാര കേസില്‍പ്പോലും മാസങ്ങളും കൊല്ലങ്ങളും കഴിഞ്ഞാണ് വിധി വരിക.എന്നാല്‍ നമ്മുടെ സിനിമയില്‍ ഒറ്റയടിക്കു തന്നെ പുലിപോലെ ചീറുന്ന വക്കീല്‍മാരെയും അന്നുതന്നെ വിധി പ്രഖ്യാപനം നടത്തുന്ന ന്യായാധിപനെയുമൊക്കെ കാണുമ്പോള്‍‍ പ്രേക്ഷകര്‍ക്കെന്നപോലെ ഈ സിനിമയുണ്ടാക്കുന്ന സംവിധായകനുമറിയാം ഇത് ശരിയല്ലെന്ന്, എന്നാല്‍ മാര്‍ക്കറ്റിലേക്കയക്കുന്ന ഉല്‍പ്പന്നത്തിന്‍റെ വിപണനത്തിന് ഈ അരുതായം ചെയ്തേ പറ്റൂ . ഈ ഒരു സംഘര്‍ഷം കലാകാരനെന്ന നിലക്കുള്ള അയാളുടെ ഔചിത്വത്തെ പരിഹസിക്കുന്നതിന്‍റെ മനോവേദന അയാള്‍തന്നെ അനുഭവിക്കുന്നുണ്ടാവണം.,അതുകൊണ്ടാണ് ഈ തിരച്ചറിവുകളോടുള്ള സന്ധിയാല്ലാ
പ്രഖ്യാപനമായി കേരളാ കഫെയിലെ നേര്‍ക്കാഴ്ചകള്‍ മാറുന്നത്.

ഹ്രസ്വചിത്രങ്ങളുടെ മുത്തപ്പനായ Roberto Enrico യുടെ An incident at Owl Creek Bridge തുടങ്ങിയ ക്ലാസിക്കുകള്‍ ഓര്‍മ്മിച്ചു കൊണ്ടുതന്നെ പറയാം, നല്ല സിനിമ യാഥാര്‍ഥ്യത്തെ പ്രകാശിപ്പിക്കുകയും വ്യാഖ്യാനിക്കുകയും ചെയ്യുമെങ്കില്‍ കേരളാ കഫെയെ ആ ഗണത്തില്‍പെടുത്താനാണ് ഞാനാഗ്രഹിക്കുക. ഇതില്‍ , ആദ്യ കാഴ്‌ചയില്‍‌ത്തന്നെ "ഞാന്‍ ‍നിന്നെ കെട്ടിക്കോട്ടെ ‘’എന്ന് ചോദിക്കുന്ന വളച്ചുകെട്ടില്ലാത്ത പ്രണയമുണ്ട്; Lady Gregory യുടെ Rising of the Moon എന്ന പ്രശസ്തമായ ഐറിഷ് നാടകത്തിലെ അമ്മയെ നിഷ്പ്രഭമാക്കാന്‍പോന്ന- ഒരിക്കലും വരാത്ത മകനെയും കപ്പലിനെയും കാത്തിരിക്കുന്ന കടപുഴകിയ മാതൃത്വമുണ്ട്. ഗള്‍ഫ് മലയാളികളൂടെ പൊങ്ങച്ചവും സ്വാര്‍‍ത്ഥതയും അല്‍പ്പത്തവും കപടനാട്യവുമുണ്ട്. ബാധ്യതകളുടെ പെരുങ്കടലില്‍ ‍‍ ആത്മഹത്യമാത്രം അഭയമെന്ന് കരുതിപ്പോകുന്ന ഇടത്തരക്കാരന്‍റെ ജീവിതവും, സാമ്പത്തിക മാന്ദ്യത്തിന്‍റെ മധ്യവര്‍ഗ്ഗ പ്രതിനിധിയുമുണ്ട്. ആജ്ഞേയാസക്തികളുടെ സംഗീതികയില്‍ ഹോമിക്കപ്പെട്ട യൌവ്വനമുണ്ട്; പാറമടകളിലെ പരുക്കന്‍ ജീവിതങ്ങളില്‍ നിന്നും കാമലീലകള്‍ക്കായി വില്‍ക്കപ്പെടുന്ന ബാലികമാരുടേയും അവരുടെ അമ്മമാരുടേയും കനല്‍കണ്ണീരുണ്ട്. അതേസമയം നവകന്യകമാരുടെ ചെറുത്തുനില്‍‍പ്പിന്‍റെ അതിമനോഹരമായ, എന്നാല്‍ തീയില്‍പ്പൊതിഞ്ഞ, ചിരിയുണ്ട്. തെരുവ് പട്ടി നക്കിനോക്കുന്ന മില്ല്യണയര്‍‍മാരുടെ ആധുനിക കാലത്തെ തട്ടിപ്പും വെട്ടിപ്പുമുണ്ട്. നീയെനിക്ക് മകനും ഭര്‍ത്താവും തന്നെയെന്ന് പറയുന്ന സ്ത്രീത്വത്തിനു മുന്‍പില്‍ രക്തം ചിന്തി പ്രാണന്‍ വെടിയുന്ന കാമുകനുണ്ട്. പ്രണയകാല വ്യഥയുമായി മധ്യവയസ്സ് കടക്കുന്നവന്‍ പുറംകാഴ്‌ചകളില്‍ കാണുന്ന പുതുമരം മണക്കുന്ന ശവപ്പെട്ടിയുണ്ട്. ഇരുമ്പുപാളങ്ങളില്‍ കൂട്ടബലിക്കിരയായിത്തീര്‍ന്ന പ്രിയപ്പെട്ടവരെ നഷ്ടപ്പെട്ടവന്റെ ഏകാന്തതയുണ്ട്..
--ജീവിതം ഇതൊക്കെയാണെടോ എന്ന് വളരെ ലളിതമായി, നാട്യങ്ങളേതുമില്ലാതെ പറഞ്ഞുവയ്ക്കുകയാണ് പത്തു സംവിധായകര്‍ കേരളാ കഫേയില്‍.


മുഴുനീള സിനിമകളുടെ യുക്തിയില്ലായ്മയെ തീര്‍ത്തും മാറ്റിനിര്‍ത്തിയുള്ള ആവിഷ്കാരമാണ് അധികം പേരും സ്വീകരിച്ചിരിക്കുന്നത് എന്നതുകൊണ്ടുതന്നെ സംവേദനത്തിന്‍റെ കാര്യത്തില്‍ യാതൊരു അധിക ബാദ്ധ്യതയും ഈ സിനിമകള്‍ പ്രേക്ഷകനില്‍ അടിച്ചേല്‍പ്പിക്കുന്നില്ല. പറയുവാന്‍ ഒരു കാര്യം, പറഞ്ഞുവെക്കാന്‍ ഒരു ചലച്ചിത്രഭാഷ അത്രതന്നെ. മുഴുനീള സിനിമകള്‍ ആവശ്യപ്പെടുന്ന ചതുരങ്ങളും പിരിയന്‍ കോവണികളും ഇവരെ ബാധിക്കുന്നതേയില്ല എന്നത് ഒരത്ഭുതമായി നില്‍ക്കുന്നു. ഫോര്‍മുല എന്നൊക്കെ പറയുന്നതിനെ പുല്ലുവിലയായി കാണുന്ന ഒരു തരം ചങ്കുറപ്പ്.

ആര്‍.വേണുഗോപാലിന്റെ കവിതയെ അടിസ്ഥാനപ്പെടുത്തി, മൂര്‍ച്ചയേറിയ സാമൂഹ്യവിമര്‍ശത്തിലൂന്നിയ, പത്മകുമാറിന്‍റെ 'Nostalgia’ ഗള്‍ഫ് മലയാളിയുടെ അല്പത്തത്തിന്‍റേയും സ്വാര്‍ത്ഥതയുടേയും, ഗ്രഹാതുരത്വം എന്ന കപടനാട്യത്തിന്റേയും, തൊലിയാണ് പൊളിച്ചുകളയുന്നത്. ദിലീപും നവ്യാനായരും സുധീഷും ഇവിടെ ഗള്‍ഫ് മലയാളിയുടെ ജീവിതത്തിലെ വേറിട്ട കാഴചയല്ലാതാവുന്നു.

മറ്റുള്ള ഒമ്പതു പേര്‍ക്കുമൊപ്പം, തന്‍റെതായ ദൃശ്യഭാഷയാല്‍ , പെരുമണ്‍ ദുരന്തത്തിലൂന്നിയ Island Express, ശങ്കര്‍ രാമക്രഷ്ണന്‍ എന്ന നവാഗതന്‍ മനസ്സില്‍തട്ടുന്ന ചിത്രമാക്കി.


യുക്തിയെ പിന്തുടരുന്ന രീതിയാണ് ഒമ്പത് സിനിമകളിലെങ്കില്‍ അയുക്തിയുടെ ലോകത്തേക്കാണ് ഉദയ അനന്തന്‍ എന്ന സംവിധയകന്‍ തന്‍റെ മൃത്യുഞ്ജയവുമായി എത്തുന്നത്.കേരളീയ മനസ്സിന്‍റെ അടിത്തട്ടില്‍ ഇന്നും വേവാതെ വേവുന്ന ഭാവനകളുടെ ഭയപ്പെടുത്തുന്ന നിലാവുണ്ട്. അവിടെ യുക്തിക്ക് സ്ഥാനമില്ല. എന്നാല്‍ അത് ഒരു ചെറു സിനിമയാക്കുമ്പോള്‍ ആഖ്യാനത്തിന്റേതായ യുക്തി ആവശ്യവുമാണ്. യുക്തിയില്ലായ്മയുടേതായ ഒരു മാന്ത്രികലോകം സ്രഷ്ടിച്ച് അതില്‍ പ്രണയമെന്ന യുക്തിയില്‍ ഒരു ഒറ്റവരി കവിതയാക്കുകയാണ് ഉദയ് അനന്തന്‍ മൃത്യുഞ്ജയത്തെ. ഹരി നായരുടെ ഛായാഗ്രഹണ വിരുതാണ് ഈ ചിത്രത്തിന്‍റെ കാതല്‍. രൌദ്ര ചലനങ്ങളാല്‍ ഇരുട്ടിന്‍റേയും നിശബ്ദതയുടെയും താളത്താല്‍ സംവിധയകന്റെ ഈ ഒറ്റവരിക്കവിതയെ സംഗീതസാന്ദ്രമാക്കുകയാണ് ഹരി നായര്‍.

വില്‍പ്പനയുടെ ദൃശ്യഭാഷ നന്നായറിയുന്ന ഷാജി കൈലാസിന്‍റെ കൈത്തഴക്കാമാര്‍ന്ന ആംഗിളുകളേക്കാള്‍ ആഴംകൂടിയ, എന്നാല്‍ അളന്നു മുറിച്ച സംഭാഷണങ്ങള്‍, സുരേഷ് ഗോപി,ജ്യോതിര്‍മയി, എന്നിവരുടെ അഭിനയത്തിലെ മിതത്വം എന്നിവ കൊണ്ട്‌ ഒരു ഭാവഗീതംപോലെ മനോഹരമായി, ലളിതം ഹിരണ്‍മയം.

ഗഹനമായതും എന്നാല്‍ ലോകത്തെയാകെ പിടിച്ചുലക്കുന്നതുമായ സാമ്പത്തിക മാന്ദ്യം , ലളിതവും സുതാര്യവുമായി, മധ്യവര്‍ഗ്ഗ ജീവിതത്തിന്‍റെ ശൂന്യവും ദുസ്സഹവുമായ ഒരൊഴിഞ്ഞ വീട്ടില്‍‍ നിറയുന്ന ആത്മഹത്യയുടെ മണമെന്ന പോല്‍, ഒരു നെടുവീര്‍പ്പില്‍ അലിഞ്ഞുതീരുന്നതിന്റെ ചാരുതയാണ്, ബി.ഉണ്ണിക്രഷണന്‍റെ അവിരാമം പ്രേക്ഷകനില്‍ അവശേഷിപ്പിക്കുന്നത് .

രേവതിയുടെ സിനിമക്ക് തിരക്കഥയൊരുക്കിയത് ദീദി ദാമോദരന്‍ . രണ്ട് പെണ്ണുങ്ങള്‍ ഒരുക്കിയ 'മകള്‍'. ജീവിതത്തെ നെടുകെ പിളര്‍ക്കുന്ന ദാരിദ്ര്യം; അതിന്റെ പാറമടകളില്‍ പെറ്റുകൂട്ടുന്ന പെണ്‍ജന്മങ്ങള്‍.. ഭീകരമായൊരു സ്വപ്നം പോലെ, പ്രേക്ഷകരെ വേട്ടയാടുന്ന ഒരു ചോരവീണ മയില്‍പ്പീലിയാണ്, ഈ പെണ്‍ കൂട്ടുകെട്ട് ഒരുക്കിയെടുത്ത മകള്‍. നെഞ്ഞുരുക്കുന്ന അഭിനയമാണ് ഇതിലെ അമ്മയായി വേഷമിട്ട, ലണ്ടന്‍ തിയറ്റര്‍ ഗ്രൂപ്പിലെ, അര്‍ച്ചന കാഴ്‌ചവയ്ക്കുന്നത്. മൌനത്തിലാണ്ടുപോയ മയില്‍പ്പീലി ( ഇതിലെ പെണ്‍കുട്ടിയെ അങ്ങനെ വിളിക്കാമെന്നു തോന്നുന്നു) യെയും അവരുടെ കുടുംബാംഗങ്ങളേയും ഒരു ഡോക്യുമെന്ററി സിനിമയിലേതെന്ന് തോന്നിപ്പിക്കുന്ന കാസ്റ്റിംഗിലൂടെ, ഫിക്‌ഷനായി പോകുമായിരുന്ന ഒരു കഥയെ, പൊള്ളുന്ന ഒരു നേര്‍ക്കാഴ്ചയാക്കി ഉയര്‍ത്താന്‍ രേവതിക്ക് കഴിഞ്ഞു. ഞെട്ടിപ്പിക്കുന്ന സത്യങ്ങള്‍ പറയാന്‍ അതിശയഭാഷകള്‍ വേണ്ടെന്ന് ദീദിയും രേവതിയും മകളിലൂടെ സമര്‍ത്ഥിക്കുന്നു.

കനത്ത മഴ...ഉണങ്ങാനിട്ടിരിക്കുന്ന, പ്രേതരൂപികളായി കാറ്റിലുറഞ്ഞാടുന്ന, അലക്കിയ തുണികള്‍….കപ്പലേറ്റിക്കൊണ്ടുപോകുവാനായി, എന്നോ മരിച്ചുപോയ, മകന്‍ ‍വരുന്നതും കാത്തിരിക്കുന്ന വാര്‍ദ്ധക്യം കടപുഴക്കിയ മാതൃത്വം... ലാറ്റിനമേരിക്കന്‍ സിനിമകളുടെ ദൃശ്യഭംഗിയെ അതിശയിപ്പിക്കുന്ന ഷോട്ടുകളൊരുക്കിയ സുരേഷ് രാജന്‍ . അന്‍വര്‍ റഷീദിന്‍റെ BRIDGE തീവ്രമായൊരനുഭവമാകുന്നത് അതിന്‍റെ പരിചരണമികവുകൊണ്ടു തന്നെയാണ്.
അലക്കുകാരനും ഭാര്യയും കിടക്കപ്പായില്‍ ഉരുവിടുന്ന വാക്കുകളും മൌനവും മഴയും ഒരു ഭാഗത്ത്; ഉപേക്ഷിക്കപ്പെടുന്ന പൂച്ചക്കുഞ്ഞും അതുമൂലം രോഗാതുരനായിപ്പോകുന്ന സ്കൂള്‍കുട്ടിയും മഴയുടെ മറുവശത്ത്. പുറമ്പോക്കില്‍ പാഴ് ജന്മങ്ങള്‍ തിരഞ്ഞുതീരുന്ന ഒരച്ഛനും ജനത്തിരക്കില്‍ അമ്മയെ ഉപേക്ഷിച്ചു കടന്നുകളയേണ്ടിവന്ന മകനും – കണ്ണീര്‍ മഴയില്‍
സംവിധായകന്‍ വാര്‍ക്കുന്ന പാലമേതാണ്? കേരളാ കഫെയുടെ പിന്നാമ്പുറത്തെവിടെയോ, ഉപേക്ഷിക്കപ്പെട്ട പാഴ്ജന്മങ്ങള്‍ തമ്മില്‍ ചേരുന്നതു കാണുമ്പോള്‍ , സിനിമാശാല നിശബ്ദതയുടെ കടലായി മാറുകയായിരുന്നു. കോഴിക്കോട്ടുകാരുടെ പ്രിയപ്പെട്ട ശാന്തേടത്തി ഇതുവരെ അവതരിപ്പിച്ചതില്‍ ഏറ്റവും മികച്ച വേഷം ഈ ഹ്രസ്വചിത്രത്തിലെ പ്രകടനമായിരിക്കും. അതുപോലെ‍ ഒരു ഭീകരനാണ് സലിം കുമാര്‍ ; പ്രേക്ഷകന്റെ കണ്ണീരുകടയുന്ന കാര്യത്തില്‍! നിത്യജീവിത ദുരിതങ്ങളുടെ തോരാമഴയത്ത് കിടക്കപ്പൊറുതി തരാത്ത ഭാര്യയോട് പ്രേക്ഷകനു വെറുപ്പാണ് തോന്നേണ്ടത്; എന്നാല്‍ അനുകമ്പയാണ് കല്‍പനയുടെ മിതത്വമാര്‍ന്ന അഭിനയം നേടിയെടുത്തത്. BRIDGE എന്ന ഹ്രസ്വ ചിത്രം നല്‍കുന്ന ദ്രശ്യചാരുതക്ക് ഒരു ഭാഷയുണ്ടെങ്കില്‍ അതിനെ ആര്‍ദ്രത എന്ന് വിളിക്കാം . വേലക്കാരി മറിയച്ചേടത്തിയുടെ തിരഞ്ഞെടുപ്പ് മുതല്‍ സിനിമാശാലയില്‍ നിന്നിറങ്ങിവരുന്ന സലിംകുമാറിന്‍റെ തകിടം മറിഞ്ഞ മനസികനിലയെ ബോധപൂര്‍വ്വം ക്യാമറയുടെ അപഥ സഞ്ചാരമാക്കി മാറ്റിയതടക്കം, ചലച്ചിത്ര ഭാഷ കൈകാര്യം ചെയ്യുന്നതില്‍ , തനൊരു ഭയങ്കരനാണെന്ന് സംവിധായകന്‍ അന്‍വര്‍ ‍റഷീദ് സ്ഥാപിക്കുന്നു.

കേരളാ കഫേ വെറും ദുരിതങ്ങളുടേയും വേദനകളുടേയും വില്‍പ്പനശാലയാണോ?..
ഇതു മാത്രമാണോ നമുക്ക് ചുറ്റിലുമുള്ളത്? വരട്ടെ, അഭിപ്രായം പറയാന്‍ വരട്ടെ.

ഏറണാകുളം-കോഴിക്കോട് റൂട്ടിലോടുന്ന ബസ്സില്‍ ഒരു പത്തൊന്‍പതുകാരി ഇരിപ്പുണ്ട്. അടുത്ത സീറ്റ് കാലിയാണെന്ന് കരുതി ഓടിച്ചെന്നിരിക്കാനോ അവളെ വളക്കാനോ നോക്കണ്ട, പുലിയാണവള്‍... കടിക്കുകയോ മാന്തുകയോ ഒന്നും ചെയ്യില്ലെങ്കിലും അവളൊരു പുലിയാണ്; കാരണം അവളൂടെ കയ്യിലുള്ളത് ബോംബാണ്. തന്നെയും തന്നോടൊപ്പം ബസ്സിലുള്ള മുഴുവന്‍ പേരേയും ചുട്ടു ചാമ്പലാക്കുവാന്‍ തന്‍റെ പഴഞ്ചന്‍ മൊബൈല്‍ ഫോണിലൊന്ന് വിരലമര്‍ത്തിയാല്‍ മതി അവള്‍ക്ക്‌ . എന്തിനും ഒരുമ്പെട്ടിറങ്ങിയതാണവള്‍; തീവ്രവാദി! ആകാംക്ഷയുടെ മുള്‍മുനയിലാണ് ഇനിയുള്ള ദൂരം ഈ ബസ്സ് ഓടുക. അതിനാല്‍ പൊട്ടാന്‍പോകുന്ന ബോംബിന്‍റെ പിന്നിലെ രഹസ്യം അങ്ങനെയിരിക്കട്ടെ. അളന്നു മുറിച്ച ചലനങ്ങള്‍, കൃത്യമായ സംഭാഷണങ്ങള്‍.. ഒരു ചെക്കോവിയന്‍ ചെറുകഥയുടെ കൈയ്യടക്കം പോലെ, വശ്യം, മനോഹരം, ഈ പെണ്‍ സ്പര്‍ശം. അഞ്‌ജലീ മേനോന്‍റെ Happy journey കേരളത്തിലെ മാറുന്ന പെണ്‍കുട്ടിയുടെ ധീരമായ മുഖമാണ് നമുക്ക് കാണിച്ചു തരുന്നത്. അതെ, പുതിയ പെണ്‍കുട്ടികളുടെ കയ്യില്‍ ബോംബുകളുണ്ട്, സൂക്ഷിക്കുക; സീറ്റ് മാറിയിരിക്കുക.

ഇപ്പോള്‍ തിയറ്ററില്‍ ഉയരുന്ന കരഘോഷം ഈ പെണ്‍കുട്ടിക്കുള്ളതാണ്.

അടുത്തിരിക്കുന്ന ആള്‍ ചോദിച്ചു: അടുത്തത് ആരുടെ പടം?
ഞാന്‍ പറഞ്ഞു: ശ്യാമപ്രസാദിന്‍റെ.
ഉടന്‍ അയാള്‍ മുന്‍വിധിയെഴുതി: ഓ, സീരിയസ്സായിരിക്കും!

ആദ്യ സീനില്‍ത്തന്നെ പ്രേക്ഷകര്‍ പൊട്ടിച്ചിരിച്ചപ്പോള്‍ അയാള്‍ അമ്പരന്നു. ഹവ്വാ ബീച്ചില്‍ തലപൂഴ്ത്തി ശീര്‍ഷാസനത്തില്‍ നില്‍ക്കുന്നത് മില്ല്യണയര്‍ ; അയാളെ നക്കി നോക്കുന്നത് സ്ലം ഡോഗ് (സാക്ഷാല്‍ കൊടിച്ചി പട്ടിതന്നെ)! ഗ്രാഫിക്സിന്‍റെ പുത്തന്‍ സാദ്ധ്യതകള്‍ സന്നിവേശിപ്പിച്ച് ആദ്യ ഫ്രെയിമില്‍ത്തന്നെ പ്രേക്ഷകനെ കുടുക്കിയിട്ടു കളഞ്ഞു സംവിധായകന്‍ ‍. അഴകപ്പന്റെ അഴകേറിയ ഫ്രെയിമുകളുടെ അവിരാമമായ ചലനങ്ങള്‍, എഡിറ്റിംഗിലെ തിരമാല വേഗം, മലയാളികളെപ്പോലെ അഭിനയിക്കുന്ന സായിപ്പും മദാമ്മയും.
സായിപ്പിനെപ്പോലും തോല്‍പ്പിക്കുന്നതാവട്ടെ, തൊമ്മിക്കുഞ്ഞെന്ന സുരാജ് വെഞ്ഞാറമ്മൂട്! സാമ്പത്തിക മാന്ദ്യം സായിപ്പിനെ കേരളത്തില്‍ ജോലിയന്വേഷിച്ചുവരുന്ന അവസ്ഥയിലെത്തിച്ചെന്ന് ഹാസ്യത്തില്‍ പറഞ്ഞുതീര്‍ക്കുന്ന ശ്യാം, വലിയ കാര്യങ്ങള്‍ ദേ ഇങ്ങനേയും പറയാം, എന്ന് ബോധ്യപ്പെടുത്തുകയാണ് Off Season എന്ന ചിത്രത്തിലൂടെ. ശ്യാമപ്രസാദിന്‍റെ കയ്യൊപ്പ് അതുകൊണ്ടുതന്നെ കൂട്ടത്തില്‍ വേറിട്ട അനുഭവമായി.

അപ്പോഴേക്കും അടുത്തയാള്‍ കേരളാ കഫെയിലെത്തി.
മധ്യവയസ്സ് കഴിഞ്ഞ രൂപം ,പഴയ ജോലിസ്ഥലവും അതുണര്‍ത്തുന്ന പ്രണയാര്‍ദ്രമായ ഓര്‍മ്മകളുമായി അയാള്‍ ‍(ശ്രീനിവാസനാണ് ശ്രീനിവാസനാവാതെ ഈ വേഷംഅഭിനയിച്ചത്) യാത്രയാവുകയാണ്, പുറം കാഴ്ചകളിലേക്ക്..മലമ്പാതകള്‍ ചുറ്റിപ്പോകുന്ന ബസ്സില്‍‌ത്തന്നെ, സമയം കൂടുതലെടുത്തായാലും, പോയാല്‍ മതി, അയാള്‍ക്ക്; കാരണം, അയാള്‍ക്ക് തിരക്കില്ല, അയാള്‍ക്കെന്നല്ല,പലര്‍ക്കും തിരക്കില്ല. പുറം കാഴ്ചകളുടെ ഹരിതാഭയും വെള്ളച്ചാട്ടങ്ങളുടെ ഭംഗിയുമൊക്കെ ആസ്വദിച്ച് യാത്ര
ചെയ്യുവാനാണ് എല്ലാവര്‍ക്കുമിഷ്ടം. കൂട്ടത്തിലെ കുസൃതികളായ യുവതീ യുവാക്കള്‍ക്കും ഇതൊരു ഉല്ലാസ യാത്രയാണ് എന്ന് കരുതിയിരിക്കുമ്പോഴാണ്, അതിനെയെല്ലാം മാറ്റി മറിച്ച് തിരക്കുള്ള ഒരാളെത്തുന്നത്. റോഡുകളിലൂടെ വളഞ്ഞു പുളഞ്ഞും ഇടക്ക് നിര്‍ത്തി കാപ്പി കുടിച്ചും തമാശിച്ചും സമയം കളയുന്നവര്‍ക്കെതിരെ അയാള്‍ തട്ടിക്കയറി. എല്ലാവര്‍ക്കും തമാശകള്‍ അവസനിപ്പിക്കേണ്ടിവന്നു. കാരണം അയാള്‍ അത്രക്ക് ബോറനാണെന്നവര്‍ക്ക് തോന്നിയിരിക്കാം. അതെ, അയാള്‍ക്ക് ധൃതിയുണ്ടായിരുന്നു; മുടിഞ്ഞ ധൃതി.. സി.വി.ശ്രീരാമന്‍റെ കഥയെ അടിസ്ഥാനപ്പെടുത്തി ലാല്‍ ജോസ് സംവിധാനം ചെയ്ത വേറിട്ട കാഴ്ചകള്‍ വല്ലാത്തൊരു മൂടല്‍ മഞ്ഞാണ് മനസ്സിലവശേഷിപ്പിക്കുക. വേറിട്ട കാഴചകള്‍ എല്ലാ അര്‍ത്ഥത്തിലും വേറിട്ട ഒരനുഭവമായി. പറഞ്ഞുവയ്ക്കാത്ത ചിലതു കൂടി വായിച്ചെടുക്കാന്‍ പ്രേക്ഷകനെ നിര്‍ബന്ധിക്കുന്ന ഇതിന്‍റെ സംവിധാന മികവ് വേറിട്ട കാഴ്ചകള്‍ക്കൊരു മൂന്നാം മാനം നല്‍കാന്‍ ശ്രമിക്കുന്നുണ്ട്. ഒരു കടങ്കഥ പോലെ...ഒരു ഭഗ്നപ്രണയത്തിന്‍റെ ചിതലരിക്കാത്ത ശവപ്പെട്ടിപോലെ..

പൊടുന്നനെ സിനിമ തീര്‍ന്നു.
അടുത്ത സീറ്റിലിരിക്കുന്ന മലയാളിക്ക് സംശയം: മമ്മൂട്ടിയല്ലേ, ഇപ്പോള്‍ ബസ്സിലുണ്ടായിരുന്നത്?
ഞാന്‍ പറഞ്ഞു: അതെ, എന്തേ?
അല്ല , കൂട്ടത്തിലൊരാളെപ്പോലെ തോന്നിച്ചു.

മലയാളത്തിലെ അഭിനേതാക്കള്‍ ഒന്നടങ്കം അണിനിരന്ന് വേറെയും സിനിമകള്‍ ഉണ്ടായിട്ടുണ്ട്. അതിന്റെ ഒരെയൊരു ലക്ഷ്യം കച്ചവടം മാത്രമായിരുന്നതിനാല്‍ കേരളാ കഫേയിലിരുന്ന് ചര്‍ച്ച ചേയ്യേണ്ട വിഷയമല്ലാതായി ആ സിനിമ. കേരളാ കഫേയില്‍ കാപ്പികുടിക്കാന്‍ വരുന്നവരെപ്പോലെ സമന്മാരാണ് ഇതിലെ നടീനടന്മാര്‍.; എല്ലാവര്‍ക്കും മനുഷ്യമുഖങ്ങള്‍ മാത്രം. അതു തന്നെയാണ്‌ ഇതിലെ പത്തു ചിത്രങ്ങളേയും വ്യത്യസ്തമാക്കുന്നത്. പത്തു സിനിമകള്‍ , പത്തു പ്രമേയങ്ങള്‍ , പത്ത്‌ ആവിഷ്കാരങ്ങള്‍- പാളങ്ങളില്‍ നിന്നും പാളങ്ങളിലേക്ക് മാറുന്ന തീവണ്ടിച്ചക്രങ്ങള്‍ പോലെ; എന്നാല്‍ എല്ലാം ചെല്ലുന്നത് ഒരു ദിശയിലേക്ക്- കേരളം എന്ന യാഥാര്‍ത്ഥ്യത്തിലേക്ക്.

യാഥാര്‍ത്ഥ്യത്തിന്റെ ഈ പത്തു മുഖങ്ങള്‍ വിളക്കി ചേര്‍ക്കുവാനായി ഒരാളിരുപ്പുണ്ട്.;രഞ്ജിത്ത്. പ്രമേയങ്ങളുടെ വ്യത്യസ്തതയും പരിചരണത്തിലെ പാകതയും സമന്വയിപ്പിക്കുക എന്ന കര്‍ത്തവ്യമാണ് രഞ്ജിത്ത് ഇവിടെ ചെയ്യുന്നത്. പത്ത് ചിത്രങ്ങളിലേയും കഥാപാത്രങ്ങള്‍ കയറിയുമിറങ്ങിയും കേരളാ കഫേയെ സജീവമാക്കണമെന്നതിലുപരി വാണിജ്യസിനിമയുടെ വക്താക്കളെന്ന് മുദ്രകുത്തപ്പെട്ടവരേയും അല്ലാത്തവരേയും ഒരുമിച്ചു നിര്‍ത്തി ,പ്രേക്ഷകന്‍റെ മാറുന്ന അഭിരുചികള്‍ തിരിച്ചറിയുവാനും ചലച്ചിത്രഭാഷയുടെ സാദ്ധ്യത ഫലപ്രദമായി ഉപയോഗപ്പടുത്തുവാനും ധൈര്യം കാണിച്ച ഒരാള്‍ എന്ന നിലയ്ക്കും രഞ്ജിത്ത് അഭിനന്ദനമര്‍ഹിക്കുന്നുണ്ട്.

കേരളാ കഫേയില്‍ നിന്നും തുറക്കുന്ന ജാലകം കേരളത്തിലെ യാഥാര്‍ത്ഥ്യങ്ങളെക്കുറിച്ചാണെങ്കിലും ലോക സിനിമയുടെ വിശാലമായ ഒരാകാശം തങ്ങള്‍ക്കും അവകാശപ്പെട്ടതാണെന്ന് ഇതിലെ ചില സിനിമകളെങ്കിലും തെളിയിക്കുമെന്നുറപ്പാണ്.
ഹ്രസ്വചിത്രത്തിന്‍റെ പരിമിതികള്‍, മലയാളി പ്രേക്ഷകന്‍റെ മുന്‍വിധികള്‍ക്ക്‌ ഇട നല്‍കുന്ന അഭിനേതാക്കളുടെ കാസ്റ്റിംഗ്, ഫ്രെയിം ഭംഗിയില്‍ അമിതമായി അഭിരമിച്ചു പോകുന്ന സന്ദര്‍ഭങ്ങള്‍ , ചെറുകഥകളോടുള്ള സാഹോദര്യത്തില്‍ മറന്നുപോകുന്നതും എന്നാല്‍ ഒരു ഹ്രസ്വചിത്രം നല്‍കേണ്ടതുമായ ധ്വനിസാന്ദ്രതയുടെ അഭാവം.....ഇങ്ങനെ ചില മുടന്തന്‍ വിമര്‍ശങ്ങള്‍ ഇതിലെ ചില ചിത്രങ്ങളെ മുന്‍നിര്‍ത്തി പറയാമെങ്കിലും ആകത്തുകയില്‍ ‍(in totality) ഇതൊന്നും ഒരു വിഷയമല്ല തന്നെ.

നോബേല്‍ ജേതാവ് ഗബ്രിയേല്‍ ഗാര്‍ഷ്യ മാര്‍കേസിന്‍റെ Strange Pilgrims എന്ന ചെറുകഥാ സമഹാരം ഓര്‍ത്തു പോവുകയാണ്. വ്യത്യസ്ത കാലങ്ങളില്‍ അദ്ദേഹം എഴുതിയ പതിമൂന്ന് ചെറുകഥകള്‍ ഒരൊറ്റ ശ്രേണിയില്‍ കോര്‍ത്തിണക്കിയ ആ പുസ്തകം, ഒരു ചെറുകഥാ സമാഹരത്തിന്‍റെ പരിമിതിയെ മറികടന്ന്, ഒന്ന് മറ്റൊന്നിന്‍റെ തുടര്‍ച്ചയായി വളരുന്ന രീതിയില്‍ , ഒറ്റ കാതലില്‍ പണിതീര്‍ത്ത ഒരു ലാറ്റിനമേരിക്കന്‍ ജീവിത വൃക്ഷമായി വളരുകയാണ്. ഇതില്‍ വ്യത്യസ്ത സന്ദര്‍ഭങ്ങളും കഥാപാത്രങ്ങളും ഒരൊറ്റ ചരടില്‍ കോര്‍ത്തിരിക്കുന്നു. യൂറോപ്പിലെ വ്യത്യസ്ത ഭാഗങ്ങളില്‍ കഴിയുന്ന ലാറ്റിനമേരിക്കക്കാരുടെ പ്രശ്നങ്ങാളാണ്‌ എല്ലാ കഥകളെയും തമ്മില്‍ വിളക്കിച്ചേര്‍ക്കുന്ന കണ്ണിയെന്ന് ആമുഖത്തില്‍ മാര്‍കേസ് വ്യക്തമാക്കുന്നുണ്ട്. മാര്‍കേസിന്റെ മഹത്തായ കൃതിയുമായുള്ള താരതമ്യമല്ല പറഞ്ഞു വരുന്നത്. പ്രമേയങ്ങള്‍ വ്യത്യസ്തമാകുമ്പോഴും അവയെ വിളക്കി ചേര്‍ക്കുന്ന ഒരു പൊതു വസ്തുത ഉണ്ടായിരിക്കണം എന്നാണ്. കേരളാ കഫേ ആ അര്‍ത്ഥത്തില്‍ കേരള യാഥാര്‍ത്ഥ്യത്തിന്‍റെ പൊതുഭൂമികയിലാണ് കൊരുത്തിട്ടിരിക്കുന്നത്.

ആദ്യ സിനിമ പിടിക്കുമ്പോള്‍ വെച്ച ഫ്രെയിമില്‍ത്തന്നെ ദശാബ്ദങള്‍ കഴിഞ്ഞും, ഉറഞ്ഞുപോയപോല്‍ , അഭിരമിച്ചുകൊണ്ടേയിരിക്കുന്ന മലയാളത്തിലെ സിനിമാ മാഷന്മാര്‍ ‍(Masters of Film ) കാലവും കരവിരുതും മാറിയത് കാണാന്‍ കേരളാ കഫേയിലൊന്നു കയറുന്നത് നന്നായിരിക്കും.

അതെ, അതുകൊണ്ടാണ് ഞാന്‍ ആദ്യമേ പറഞ്ഞത്
കേരള കഫേ ഒരു വെറും കാപ്പിക്കടയല്ല എന്ന്.

Friday, August 21, 2009

ഒരു വീട്ടാക്കടത്തിന്‍റെ ഓര്‍മ്മയ്ക്ക്..Bharath Murali ---Memorries of things past-




കാലം 1980-81.
സ്ഥലം കോഴിക്കോട് ഗവണ്‍‌മെന്റ് ആര്‍‌ട്സ് ആന്‍ഡ് സയന്‍സ് കോളേജ്. ബിരുദ വിദ്യാര്‍ത്ഥികളായ ഞങ്ങള്‍ സജീവ ഇടതു തീവ്ര വിദ്യാര്‍ത്ഥി പ്രസ്ഥാനവുമായി കെട്ടിമറിയുന്ന കാലം.
രാഷ്ട്രീയത്തിന് കേരള വിപ്ലവ വിദ്യാര്‍ഥി സംഘടന, സാംസ്കാരിക പ്രവര്‍ത്തനത്തിന് പ്രതികരണവേദി, ക്യാമ്പസ് തിയറ്റര്‍ പ്രവര്‍ത്തനത്തിന് സര്‍‌ഗ എന്നൊരു സംഘടന. പ്രേംചന്ദ്, എ.സജീവന്‍, സോമനാഥന്‍ ‍,മധു ശങ്കര്‍ (ഇപ്പോള്‍ ഇവരെല്ലാം വിവിധ പത്ര സ്ഥാപനങ്ങളില്‍ ജോലി ചെയ്തു വരുന്നു), പിന്നീട് സലിം അലിയുടെ കൂടെക്കൂടിയ പക്ഷി ശാസ്ത്രജ്ഞന്‍ രാമചന്ദ്രന്‍ ,മാമ്പറ്റയിലെ സുരേഷ്, അച്ചന്‍ എന്നു വിളിക്കുന്ന സത്യനാഥന്‍ , ‍ഒരു തെളിവും നല്‍കാതെ നാടുവിട്ടെങ്ങോ പോയ വിവേക് , പോസ്റ്റര്‍ വര ചക്രവര്‍ത്തി വയനാട്ടുകാരന്‍ പവിത്രന്‍ ,ഷാജി , മത്തായിശശി.....തുടങ്ങിയവരൊക്കെയാണ് പ്രധാന പ്രവര്‍ത്തകര്‍ ‍.അക്കാലത്ത് വിദ്യാര്‍ത്ഥി സമരങ്ങളിലും സാംസ്ക്കാരിക പ്രവര്‍ത്തനങ്ങളിലും ആര്‍‌ട്സ് കോളേജ് ആയിരുന്നു മുന്‍പന്തിയില്‍ . ചിത്രപ്രദര്‍ശനങ്ങള്‍ ‍,കടമ്മനിട്ട, ചുള്ളിക്കാട്, ജോണ്‍ എബ്രഹാം, സുരാസു, എ.അയ്യപ്പന്‍,ടി.ഗുഹന്‍ , മധുമാസ്റ്റര്‍ ,ചലച്ചിത്ര പ്രദര്‍ശനങ്ങള്‍ ‍,സമരങ്ങള്‍ ‍, നാടകങ്ങള്‍ ‍ ,ചൊല്‍ക്കാഴ്ചകള്‍ ‍............ എല്ലാത്തിനും ധാര്‍മ്മിക പിന്തുണയുമായി ഞങ്ങളുടെ പ്രിയ അദ്ധ്യാപകന്‍ എം. ഗംഗാധരന്‍ മാഷ്.
ആ ഒരു കാലത്തിലേക്കാണ് മുരളി വരുന്നത്. സംഗതി ചൊല്‍ക്കാഴ്ചയായിരുന്നു.
അക്കാലത്ത് കോഴിക്കോട് മെഡിക്കല്‍കോളേജില്‍ ബ്രഹ്മപുത്രന്‍ എന്നൊരാള്‍ ഉണ്ടായിരുന്നു. കക്ഷി അവിടെ പഠിക്കുകയെന്നാണ് വെപ്പ്.
അയാള്‍ക്കു മുന്‍പും അയാളേടൊപ്പവും അയാള്‍ക്ക് ശേഷവും അവിടെപ്പഠിച്ചവര്‍ പലരും ഡോക്ടറായി നാടു നീങ്ങി. ബ്രഹ്മപുത്രന്‍ മാത്രം അവിടെ കുടുങ്ങി, പരീക്ഷയെഴുതി തോറ്റിട്ടല്ല, നിരവധി പേര്‍ക്ക് താങ്ങായും തണലായും ഒരു ബോധി വൃക്ഷമായി അയാള്‍ നിലകൊണ്ടു.
എ.അയ്യപ്പനായാലും, ജോണ്‍ എബ്രഹാമായാലും, എന്തിന് സുരാസുവായാല്‍പ്പോലും ബ്രഹ്മപുത്രന്‍റെ കരുണയില്‍ ദിവസങ്ങളല്ല, മാസങ്ങളോളം അവിടെക്കഴിയാം. കലയും സാഹിത്യവുമൊന്നുമില്ലാത്തവര്‍ക്കും,

മെഡിക്കല്‍ കോളേജില്‍ ചികിത്സാര്‍ത്ഥം വരുന്നവര്‍ക്കും ഇയാള്‍ തുണ. കേരള രാഷ്ടീയത്തില്‍ ഒരു പുതിയ നൈതികബോധമുണര്‍ത്തിയ മെഡിക്കല്‍ കോളജിലെ ജനകീയ വിചരണയുടെ പിന്നാമ്പുറ ശക്തികേന്ദ്രം ബ്രഹ്മപുത്രനും അയാളുടെ ജീവസ്സുറ്റ സംഘവുമാണെന്ന് ഏവര്‍ക്കുമറിയാം. ജനകീയ പ്രശ്നങ്ങളില്‍ മാത്രമല്ല,

കേരളത്തിനകത്തും പുറത്തുമുള്ള സാംസ്കാരിക രംഗത്തെ ഏത് പുതു ചലനത്തേയും മെഡിക്കല്‍ കോളേജ് കാമ്പസിന് പരിചയപ്പെടുത്തുന്ന, ഒരിക്കലും അരങ്ങില്‍ വരാതെ, എന്നാല്‍ എല്ലാറ്റിന്റേയും ചാലകശക്തിയായി ഈ മൌന ബുദ്ധന്‍ ഉണ്ടായിരുന്നു. ചരിത്രത്തില്‍ കോഴിക്കോട് മെഡിക്കല്‍ കോളേജിനെ ബ്രഹ്മപുത്രന് മുന്‍‌പും ബ്രഹ്മപുത്രന് ശേഷവും എന്നാണ് വിലയിരുത്താറുള്ളത്.
ഒടുവില്‍ ഒറ്റയടിക്ക് പരീക്ഷ പാസ്സായി ഡോക്ടറായി പുറത്തുവന്നു. ഇപ്പോള്‍ പ്ലാച്ചിമടയിലെ കൊക്കകോള വിരുദ്ധ സമരത്തിന്‍റെ കൂടെ........(ബ്രഹ്മപുത്രന്‍ എഴുതിയാല്‍ തീരാത്ത ഒരു പുസ്തകമാണ്. അതിനാല്‍ തല്‍ക്കാലം ഇവിടെ നിര്‍ത്തുന്നു).


കേരളത്തിലെ സാംസ്കാരിക രംഗത്തുള്ള ഏത് പുതിയ ചലനത്തേയും മെഡിക്കല്‍ കോളജ് കാമ്പസ്സിലേക്കെത്തിക്കുന്ന ബ്രഹ്മപുത്ര കര്‍മ്മപരിപാടിയുടെ ഭാഗമായാണ് തിരുവനന്തപുരത്തുനിന്നും മുരളിയുടേയും സംഘത്തിന്‍റേയും ചൊല്‍ക്കാഴ്ച് കോഴിക്കോട്ട് വരുന്നത്. അക്കാലത്ത് ബ്രഹ്മപുത്രന്‍ കൊണ്ടുവരുന്ന ഇത്തരം പരിപാടികള്‍ ആര്‍‌ട്സ് കോളേജിലും അവതരിപ്പിക്കപ്പെടുമായിരുന്നു. ഒരുതരം കൊടുക്കല്‍ വാങ്ങല്‍ ; പക്ഷേ വാങ്ങല്‍ മാത്രമായിരുന്നു ഞങ്ങളുടെ പണി ; കൊടുക്കല്‍ വളരെ കുറവും.
അതിലൊന്നും ബ്രഹ്മപുത്രന് പ്രശനമില്ല. പത്തുപേരടങ്ങുന്ന ചൊല്‍ക്കാഴ്‌ച സംഘത്തിന് യാത്രാച്ചെലവ്, താമസം, ഭക്ഷണം എന്നിവ
മാത്രം മതിയായിരുന്നു. രണ്ടുദിവസങ്ങളിലായി മൂന്നിടങ്ങളില്‍ ചൊല്‍ക്കാഴ്ച നടത്തുവാനായിരുന്നു പദ്ധതി. താമസം, ഭക്ഷണം എന്നിവ മെഡിക്കല്‍ കോളേജ് സംഘം ഏറ്റെടുത്തു. ആര്‍‌ട്സ് കോളേജിലും കോഴിക്കോട് ട്രെയിനിങ്ങ് കോളേജിലും ഒരോ പരിപാടി വീതം ഞങ്ങളും ഏറ്റെടുത്തു.
(suresh)
ആര്‍‌ട്സ് കോളേജിലെ യൂനിയന്‍ ചെയര്‍മാന്‍ പി.എ.സുരേഷ് സ്വതന്ത്രനായി മത്സരിച്ച് ജയിച്ച ആളാണ്. സര്‍വ്വ സമ്മതനായ സഹൃദയന്‍ ‍. എന്തിനും ഏതിനും വിദ്യാര്‍ത്ഥികള്‍ക്ക് തുണ. പ്രത്യേകിച്ചും
പരീക്ഷയ്ക്ക് ഹാള്‍ ടിക്കറ്റ് ലഭിക്കണമെങ്കില്‍ സുരേഷ് വിചാരിക്കണം.കാരണം ദരിദ്രവാസികളായ ഞങ്ങളുടെ ഫീസ് അടയ്ക്കുവാന്‍ സുരേഷാണ് ശരണം.. ചൊല്‍ക്കാഴ്ചക്ക് 300 രൂപയാണ് കൊടുക്കേണ്ടത്. കോളേജ് യൂനിയനില്‍ ഭൂരിപക്ഷം എസ്.എഫ്.ഐ.ക്കാരായതിനാല്‍ യൂനിയന്‍ ഫണ്ട് പാസ്സാകാന്‍ ബുദ്ധിമുട്ടായിരിക്കുമെന്നറിയാവുന്നതു കൊണ്ട് സ്വാഭാവികമായും ആ പണം സമ്പന്ന സഹൃദയന്‍ സ്വന്തം പോക്കറ്റില്‍ നിന്ന്‌ എടുത്തു തന്നു. ട്രെയ്‌നിംഗ് കോളേജ് ഓഡിറ്റോറിയം ബുക്ക് ചെയ്യുവാനായി നഗര പരിപാടി സംഘാടകനായ മധു മാഷിന് ഞങ്ങള്‍ 150 രൂപയും കൊടുത്തേല്‍പ്പിച്ചു.
പറഞ്ഞ സമയത്തു തന്നെ സഞ്ചികളും തൂക്കി മുരളിയും സംഘവും സിറ്റി ബസ്സില്‍ക്കയറി സ്ഥലത്തെത്തി. ആര്‍‌ട്സ് കോളേജിലെ മരത്തിനു ചുവട്ടില്‍ മുരളിയും സംഘവും ചൊല്‍ക്കാഴ്ച ഗംഭീര്മായി ചൊല്ലിയാടി. അയ്യപ്പ പണിക്കരുടെ ഇണ്ടനമ്മാവനും, കാവാല ത്തിന്റേയും കടമ്മനിട്ടയുടേയും കവിതകളും അരങ്ങില്‍ നാടകീയമായി അവതരിപ്പിക്കപ്പെട്ടു. അവസാനമായി മുഖം എന്നൊരു കവിതയാണവതരിപ്പിച്ചത്. അപ്പോഴാണ് ഒരു ഗംഭീരന്‍ ക്ലൈമാക്സായി സുരാസു പ്രത്യക്ഷപ്പെടുന്നത്. അക്കാലത്ത് കാവിമുണ്ടും കണ്ണില്‍ ക്രോധവുമായി സുരാസു ഇങ്ങനെ പൊടുന്നനെ പ്രത്യക്ഷപ്പെടുകയാണ് പതിവ്. മുരളിയുടേയും സംഘത്തിന്റേയും ചൊല്‍ക്കാഴ്ചക്ക് ശേഷം തനിക്കൊരു മൊഴിയാട്ടം അവതരിപ്പിക്കാനുണ്ടെന്ന് സുരാസു പറഞ്ഞു. ആയ്ക്കോട്ടെയെന്ന് ഞങ്ങളും. സുരാസു തന്‍റെ കാവിപ്പുതപ്പ് അഴിച്ചു വെച്ച്, ഉടുത്ത കാവിമുണ്ട് തറ്റുകെട്ടി മൊഴിയാട്ടം തുടങ്ങി.കടമ്മനിട്ടയുടെ കിരാതപര്‍വ്വത്തിലെ കാട്ടാളന്‍ നെഞ്ചത്തൊരു പന്തം കുത്തി അരങ്ങില്‍ ഉറഞ്ഞുതുള്ളി. മുരളിയും സംഘവും പ്രേക്ഷകരോടൊപ്പ മിരുന്ന് മൊഴിയാട്ടം കണ്ടു. അരങ്ങിലെ കാട്ടാളന്‍റെ കലാപം കഴിഞ്ഞ് കാട്ടാളന്‍ സുരാസുവിലേക്ക് തിരിച്ചുവന്നു. നിലത്ത് ചമ്രം പടിഞ്ഞിരുന്ന് കാവി മേല്‍മുണ്ട് തറയില്‍ വിരിച്ച് സുരാസു തന്‍റെ സ്വതസിദ്ധമായ ശൈലിയില്‍ ക്ലാസ്സിക്കലായി കഞ്ചാവ് ബീഡി തെറുക്കാന്‍ തുടങ്ങി.. സുരാസുവിന്‍റെ മൊഴിയാട്ടത്തേക്കാള്‍ ഗംഭീരമായി കുട്ടികള്‍ ആസ്വദിച്ചത് ഈ ക്ലാസ്സിക്കല്‍ കലയായ കഞ്ചാവ് ബീഡി തെറുപ്പായിരുന്നു


(പ്രേംചന്ദ്)
ഏതായാലും ചൊല്‍ക്കാഴ്ച സംഘത്തിന് പാതിപണം കൊടുത്ത് ബാക്കി ട്രെയിനിംഗ് കോളേജില്‍ പരിപാടി കഴിയുമ്പോള്‍ തരാമെന്ന് പറഞ്ഞ് ഞാനും പ്രേംചന്ദും അവരെ ബസ്സ് കയറ്റിവിട്ടു. സുരാസുവിനെ ആരാധകരിലാരോ ഏറ്റെടുത്തു. ഞങ്ങള്‍ നഗരത്തിലെ ട്രെയിനിംഗ് കോളേജിലേക്ക് മറ്റൊരു ബസ്സില്‍ പറന്നു. ട്രെയിനിംഗ് കോളേജിന്റെ പരിസരത്ത് പവിത്രന്‍ വരഞ്ഞുകൊടുത്ത
കുറെ പോസ്റ്ററുകളുമായി സംഘാടകനായ മധു മാസ്റ്റര്‍ ‍.. ദിനപത്രത്തിലെ ഇന്നത്തെ പരിപാടി വായിച്ച് ചൊല്‍ക്കാഴ്ച കാണുവാനെത്തിയ കുറച്ചുപേരും അങ്ങിങ്ങായി നില്‍പ്പുണ്ട്.
ഞങ്ങള്‍ ചോദിച്ചു
"അല്ല മാഷെ, ഇതെന്താ പബ്ളിസിറ്റിയൊന്നും കൊടുത്തില്ലേ? "

മാഷ് കൈമലര്‍ത്തി " അതിന് ട്രെയിനിംഗ് കോളേജ് ഓഡിറ്റോറിയം കിട്ടിയിട്ടു വേണ്ടെ? എതോ നക്സലൈറ്റ് പരിപാടിയാണെന്ന് പറഞ്ഞ് പ്രിന്‍സിപ്പാള്‍ ഹാള്‍ തന്നില്ല."
" ഇനിയെന്ത് ? ചൊല്‍ക്കാഴ്ച സംഘം ഇപ്പോഴെത്തും.. പരിപാടി ക്യാന്‍സല്‍ ചെയ്തവിവരം പറയുകയും വേണം ബാക്കിയുള്ള 150 രൂപ കൊടുക്കുകയും വേണം"...ഒരു വഴിയേയുള്ളൂ അവരോട് കാര്യം പറഞ്ഞ് മനസ്സിലാക്കിക്കുക.
അക്കാര്യം മധു മാഷ് തന്നെ ഏറ്റെടുത്തു.
നിരവധി പരിപാടികള്‍ കോഴിക്കോട്ടങ്ങാടിയില്‍ നടത്തുകയും അതിലേറെ പരിപാടികള്‍ നടത്താതിക്കുകയും ചെയ്ത അനുഭവസമ്പത്തുള്ളയാളാണല്ലോ മധു മാഷ്. സംഗതി മാഷ് ഏറ്റു. ഇത്തരം കാര്യങ്ങളില്‍ മാഷിന്റെ ശിഷ്യത്വം സ്വീകരിച്ചവരായ ഞങ്ങള്‍ തടി രക്ഷപ്പെടുത്തി സ്ഥലം വിടുകയും ചെയ്തു.
എന്നാല്‍ സംഭവിച്ചത് മറ്റൊന്നാണ്. പരിപാടി നടത്താനായി വരുന്നവരേയും അത് കാണുവാനായി വരുന്നവരേയും ഒരു പോലെ കാര്യങ്ങള്‍ പറഞ്ഞു മനസ്സിലാക്കാനുള്ള ബുദ്ധിമുട്ട് മനസ്സിലാക്കി കയ്യില്‍ക്കരുതിയ പോസ്റ്ററുകള്‍ ട്രെയിനിംഗ് കോളേജ് പരിസരത്ത് പതിച്ച് മൂപ്പര്‍ സ്ഥലം വിട്ടു.
പ്രശ്നം കാലേക്കൂട്ടി കണ്ട്, പരിപാടി നടക്കുകയാണെങ്കില്‍ ഒട്ടിക്കാനുള്ള പോസ്റ്ററുകള്‍ക്കൊപ്പം, നടക്കാതിരുന്നാല്‍ ഒട്ടിക്കാനുള്ള പോസ്റ്ററുകളും മാഷ് പവിത്രനെക്കൊണ്ട് വരപ്പിച്ചിരുന്നുവെന്ന് പിന്നീട് പവി പറഞ്ഞാണ് ഞങ്ങളറിഞ്ഞത്.

പോസ്റ്റര്‍ ഇപ്രകാരമായിരുന്നു. പരിപാടി നടത്തുവാന്‍ ഹാള്‍ കിട്ടാതിരുന്നത് മൂലം ഇന്നത്തെ ചൊല്‍ക്കാഴ്ച നടക്കുന്നതല്ല. കൂടുതല്‍ വിവരത്തിന് കൂടുതല്‍ മെഡിക്കല്‍ കോളേജുമായി ബന്ധപ്പെടേണ്ടതാണ്.


പോസ്റ്ററിലെ ആദ്യവാചകം പ്രേക്ഷകനും രണ്ടാമത്തെ വാചകം ചൊല്‍ക്കാഴ്ച സംഘത്തിനുമുള്ളതാണ്.

കോഴിക്കോടന്‍ ഭാഷയില്‍ പറഞ്ഞാല്‍ തിരിയണ്ടവന് തിരിയും അല്ലാത്തവന്‍ നട്ടംതിരിയും.
സംഗതി മനസ്സിലായതു കൊണ്ട് മുരളിയും സംഘവും ലഭിക്കാനുള്ള 150 രൂപയുമുപേക്ഷിച്ച്

ബ്രഹ്മസ്ഥാനത്തേക്ക് (ബ്രഹ്മപുത്രസവിധത്തിലേക്ക്- മെഡിക്കല്‍ കോളജ് ഹോസ്റ്റലിലേക്ക്) തന്നെ മടങ്ങിപ്പോയി.
വര്‍ഷങ്ങള്‍ക്ക് ശേഷം അതേ ആര്‍ട്സ് കോളേജില്‍ സുധീഷ് ശങ്കര്‍ സംവിധാനം ചെയ്യുന്ന ഒരു ടെലിവിഷന്‍ പരമ്പരയില്‍ ഞാനും മുരളിയും ഒന്നിച്ചഭിനയിക്കാനിടയായി. പഴയ ചൊല്‍ക്കാഴ്ചയുടെ ഓര്‍മ്മ പങ്കുവെച്ചപ്പോള്‍ ഞാന്‍ അന്നത്തെ നൂറ്റമ്പത് രൂപയുടെ കഥ പറഞ്ഞു. മറുപടി: 'ങ്ഹാ, നിങളൊക്കെ കോളജ് പിള്ളാരായിരുന്നില്ലേ , എവിടന്ന് കാശുണ്ടാവാനാണ്?
ട്രെയിനിംഗ് കോളേജിലെ പരിപാടി അലമ്പിയതാണ് മോശമായിപ്പോയത്...'
മുരളി സിനിമയില്‍ സജീവമായി.
ഭരതന്‍റെ വെങ്കലം സിനിമയുടെ ലൊക്കേഷനില്‍ പടത്തിന്‍റെ സഹസംവിധായകനായ എന്‍റെ സുഹൃത്ത് കരീമിനെ കാണുവാനായി പോയപ്പോള്‍ മുരളിയെ കണ്ടു, പഴയ ചൊല്‍ക്കാഴ്ചയും നൂറ്റമ്പതിന്‍റെ കടവും പറഞ്ഞു രസിച്ചു പിന്നീട് എന്‍ ‍.കെ.രവീന്ദ്രനുമൊത്ത് തിരുവന്തപുരത്തെ വീട്ടില്‍വെച്ചു കണ്ടപ്പോഴും ഈ കഥ പങ്കുവെച്ചു. പിന്നിടും മുരളിയെ കണ്ടു. ഗര്‍ഷോം സിനിമയുടെ നിര്‍മ്മാണ പങ്കാളിയായിരുന്ന യാക്കൂബുമൊത്ത്. ഒരിടയ്ക്ക് പരിചയമായ ഒരു ദുബായി സുഹൃത്ത് പറഞ്ഞ പ്രകാരം മുരളിയുടെ ലങ്കാലക്ഷ്മി നാടകം ഗള്‍ഫില്‍ അവതരിപ്പിക്കുവാന്‍ പദ്ധതിയായി. വിവിധ സ്ഥലങളില്‍ പത്ത് സ്‌റ്റേജ് ചെയ്യാമെന്നാണ് മുരളി ഏറ്റത്. പ്രതിഫലത്തിന്റെ കാര്യമാണ് അദ്ഭുതകരമായത്. അതായത്, മുരളിക്ക് പ്രതിഫലം വേണ്ട; തന്നോടൊപ്പം സഹകരിക്കുന്ന പക്കമേളക്കാര്‍ക്കും മറ്റും നാട്ടില്‍ അവര്‍ക്ക് കിട്ടുന്നതെത്രയോ അതുമതി.
സിനിമയില്‍ തിരക്കുള്ള സമയമാണെന്നോര്‍ക്കണം, നാടകത്തിന് വേണ്ടി പത്തു പതിനഞ്ച് ദിവസം മാറി നില്‍ക്കാനാകുമോ എന്ന് ചോദിച്ചപ്പോള്‍ അതൊക്കെ മാറ്റിവെക്കാം എന്ന് നിസ്സാരമായി പറയാന്‍ മുരളിക്കേ കഴിയൂ... നിങ്ങള്‍ക്കൊന്നും പ്രതിഫലമായി വേണ്ടേ എന്ന ചോദ്യത്തിന്, നീയാ പഴയ നൂറ്റമ്പത് തന്നേക്ക് എന്നാണ് മുരളി പറഞ്ഞത്. നിര്‍ഭാഗ്യവശാള്‍ ദുബായി സുഹൃത്ത് വാക്ക് മാറുകയും ആ പദ്ധതി നടക്കാതെയും പോയി...ആ കടം അപ്പോഴും ബാക്കി നിന്നു..
ഒടുവില്‍ ദുബായില്‍ കൂത്തമ്പലം എന്ന നാടക സ്കൂളിന്‍റെ ഉദ്ഘാടനത്തിന് വന്നപ്പോഴും എഴുതിത്തള്ളാത്ത ആ നൂറ്റമ്പത് രൂപയുടെ കടക്കഥ പറഞ്ഞാണ് ഞങ്ങള്‍ ചരിത്രത്തെ തിരിച്ചു പിടിച്ചത്. അപ്പോഴെല്ലാം മുരളി ചോദിക്കുന്ന ഒരു പേരാണ് ബ്രഹ്മപുത്രന്‍ ‍.



നിര്‍മ്മാതാവിനെ മറക്കുന്ന താരങ്ങള്‍ക്കിടക്ക് പതിറ്റാണ്ടുകള്‍ക്കപ്പുറം നടത്തിയ ചൊല്‍ക്കാഴ്ചയുടെ സംഘാടകനെ ഓര്‍ക്കുന്ന,സിനി മയുടെ പ്രലോഭനീയമായ സുഖങ്ങളില്‍ എന്നാല്‍ ഒരു നാടകം അഭിനയിച്ചുകളയാം എന്നുകരുതുന്ന താരപ്രഭുക്കള്‍ക്കിടയില്‍ നിന്നും ഭൂമിയിലേക്കിറങ്ങിവന്ന്, വെറും തറയില്‍ , പ്രതിഫലത്തിനു വേണ്ടിയല്ലാതെ, ലങ്കാദഹനം
കണ്ട് കരളുറഞ്ഞ് "ഈ രാവണന്റെ ജീവിതം ഒരു പാഴ്ക്കിനാവായിരുന്നോ " എന്ന് രാവണ നടനം നടത്തുവാന്‍ മുരളിക്കേ സാധിക്കൂ. വിപ്ലവം പറയുകയും തലയില്‍ മുണ്ടിട്ട് ക്ഷേത്ര ദര്‍ശനം നടത്തുകയും ചെയ്യുന്ന കാപട്യക്കാര്‍ക്കിടയില്‍ ഇടത് പക്ഷത്തോടൊപ്പം നില്‍ക്കുകയും തലയുയര്‍ത്തിത്തന്നെ മൂകാംബികയില്‍ പോയി ദര്‍ശനം നടത്തുകയും ചെയ്യാനുള്ള ചങ്കുറപ്പാണ് മലയാള സാംസ്കാരിക ഭൂമികയില്‍ നിന്നും മറഞ്ഞു പോയത്.
അങ്ങനെ വീട്ടാന്‍ കഴിയാത്ത ഒരു കടം കൂടി എന്റെ ഹൃദയത്തിലവശേഷിപ്പിച്ച്
ഒരു ചൊല്ലിയാട്ടം പോലെ മുരളി കടന്നുപോയി.
അവശേഷിക്കുന്നത് അന്നത്തെ ചൊല്‍ക്കാഴ്ചയില്‍ മുരളി ചൊല്ലിയാടിയ
മുഖം എന്ന കവിതയിലെ ഈ വരികള്‍ :
ഇതൊരു മുഖം
അതൊരു മുഖം
അവിടെയൊരു മുഖം
ഇവിടെയൊരു മുഖം
അങ്ങനെയൊരു മുഖം
ഇങ്ങനെയുമൊരു മുഖം
ഇതിലേതാണെന്‍റെ മുഖം?





















Tuesday, July 28, 2009

ഇതുകൊണ്ടൊന്നും തീരുന്നില്ല ഇബ്രായി………..





എന്‍റെ ഗുരുനാഥനും പരിസ്തിതി പ്രവര്‍ത്തകനും സുഹ്രത്തും ഒക്കെയായ ശോഭീന്ദ്രന്‍ മാഷ് ദുബായില്‍ വന്ന സമയം
എന്‍റെ ചങാതിമാരെ പറ്റിചോദിച്ചപ്പോള്‍എനിക്ക് കാണിക്കാന്‍
തോന്നിയത് ഇബ്രായിയെ.
മാഷിനും ഇഷ്ടമായി ഇബ്രായിയെ
ആര്‍ക്കും ഇഷ്ടമാകും ഇബ്രായിയെ.
അതാണ് ഇബ്രായി എന്നു ഞാന്‍ വിളിക്കുന്ന ഇബ്രാഹിം.

കാസറഗോഡ് ജന്മനാട് എന്നാല്‍ ദുബായ് നയിഫ് റോഡ് ജീവിതകേന്ദ്രം
ചുരുങിയ കാലത്തെ ഈ ഈ ഒളിവ് ജീവിതത്തില്‍
ദിവസവും കാണുന്നു.
പലരും കയറിയിറഞിപ്പോകുന്ന ജീവിതത്തിരക്കില്‍ ചിലര്‍മാത്രം നമുടെ
ജീവിതത്തിലേക്ക് വേരുകളാഴ്ത്തുന്നു, ചിലരെ മാത്രം നാമതിന്നനുവദിക്കുന്നു എന്നതാണ്ശരി.
ആ ശരികളില്‍ ഒന്നാണ് ഇബ്രാഹിം എന്ന ഇബ്രായി.

ഭാഗ്യത്തിന്,ഇബ്രായി ബുദ്ധിജീവിയോ സാഹിത്യകാരനോ അല്ല.

എന്താണ് ഇബ്രായിയും ഞാനും തമ്മിലുള്ള ബന്ധത്തിന്‍റെ പൊരുള്‍ എന്ന് വ്യക്തമായി പറയുവാന്‍ എനിക്കാവില്ല.എന്നാല്‍ എനിക്കും ഇബ്രായിക്കും തമ്മില്‍ എവിടെയോ ഒരു പൊരുത്തമുണ്ട്.അതെന്താണെന്ന് എനിക്ക് ഇപ്പോഴും പിടികിട്ടിയിട്ടില്ല,ചിലപ്പോള്‍ ഇബ്രായിക്ക് പിടികിട്ടിക്കാണുമായിരിക്കും.

മൂന്ന് വര്‍ഷങള്‍ക്ക് മുബാണ് ഇബ്രായിയെപ്പറ്റി എന്നോട് മാധ്യമ സുഹ്രുത്തായ
സാദിക് കാവില്‍ പറയുന്നത്.ഇബ്രായിനെപറ്റിയല്ല സുബൈര്‍ എന്ന വ്രക്ക രോഗിയുടെ കദനകഥയാണ്സാദിക് പറഞ്ഞത്,സുബൈറിനെപ്പറ്റി ഒരു വാര്‍ത്ത കൊടുക്കുവാന്‍ കഴിഞ്ഞാല്‍ അത് അയാള്‍ക്കൊരു സഹായമായിരിക്കും എന്നാണ് സാദിക് ഉദ്ദേശിച്ചത്.

സുബൈറിനെ കാണുവാനുള്ള വഴിയായിരുന്നു എനിക്കപ്പോള്‍ ഇബ്രായി.
ദേരയിലെ നായിഫ് റോഡിലുള്ള ഒരു ഹോട്ടലില്‍ സുബൈറിനെ തമ്സിപ്പിച്ചിരിക്കുന്ന ഒരു സംരക്ഷകനാണ് ഇബ്രായി എന്നാണ് സാദിക് പറഞ്ഞിരുന്നത്.ഒരു സംരക്ഷകന്‍ എന്ന ചിത്രവുമായി ദേരയിലെ ഹോട്ടല്‍ കണ്ടുപിടിച്ചുചെന്നപ്പോള്‍ ഞാന്‍ കണ്ടത്.തലയില്‍ തൊപ്പിവെച്ച കറുത്ത് മെലിഞ്ഞ ഒരു പയ്യന്‍ രൂപമുള്ള ചുറുപ്പക്കാരനെ.ഇതണോ സാദിക് പറഞ്ഞ സംരക്ഷകന്‍? ഒറ്റനോട്ടത്തില്‍ ഇയാളെത്തന്നെ സംരക്ഷിക്കാന്‍ വേറെ ആളുവേണ്ടിവരുന്ന രൂപം.എന്നാല്‍ അടുത്തറിഞ്ഞപ്പോഴല്ലേ മനസ്സിലാവുന്നത്,ഒരു സുബൈറിനെ മാത്രമല്ല അനേകം സുബൈറുമാരെ താമസം ഭക്ഷണം മരുന്ന് സ്നേഹം തുടങി എല്ലാം യഥാവിധി നല്കാന്‍ ജീവിതം മാറ്റിവെച്ച ഒരു വലിയ ഹ്രുദയം ആ കൊച്ചു ശരീരത്തിനുള്ളില്‍ ഒളിച്ചുവെച്ചിട്ടുണ്ടെന്ന്.

പത്തിരുപത് വര്‍ഷം ഗല്‍ഫില്‍ ജോലിചെയ്തെങ്കിലുംആഴ്ചയിലൊരിക്കല്‍ ഡയാലിസിസ് വേണ്ടിവരുന്ന വ്രുക്കരോഗം മാത്രം സബാദ്യമായി കിട്ടിയ ,ഭാര്യയും വീട്ടുകാരും കൈയ്യൊഴിഞ്ഞ സുബൈറിന് ദുബായില്‍ ശൈഖാ മറിയത്തിന്‍റെ കാരുണ്യത്തില്‍ സൌജന്യമായി ഡയാലിസിസ് സൌകര്യം നല്‍കുന്ന ആശുപത്രി മാത്രമായി ശരണം.സുഹ്രുത് സൌജന്യമായി നല്‍കിയ വിസയില്‍ ദുബായിലെത്തി,ഇബ്രായിയുടെ ഉല്‍സാഹത്തില്‍ ഒമാനിയായ ഹോട്ടലുടമ സുബൈറിന്ന് തമസിക്കാനിടം നല്കി,വിലകൂടിയ മരുന്നുകള്‍,ഭക്ഷണം എന്നിവക്കായി ഈജിപ്റ്റ്കാരനായ് മനേജരടക്കം മറ്റനേകം മനുഷ്യ സ്നേഹികളെയും ഇബ്രായി കണ്ടെത്തുന്നു.രോഗത്തോട് മല്ലടിക്കുന്നസുബൈറിനേക്കാളും രോഗിയെ പരിചരിക്കുന്ന ഇബ്രായി എന്‍റെ മനസ്സില്‍ കുടിയേറിയതില്‍ അതിശയമില്ല.
ഇത് ഒരു സുബൈറിന്‍റെ മാത്രം കാര്യത്തിലല്ല, ദയ അര്‍ഹിക്കുന്ന ഏതൊരാള്‍ക്കും ഇബ്രായി തുണയുണ്ട്


ഇബ്രായി താമസിക്കുന്ന ഹോട്ടലിലെ കൊച്ചുമുറിയില്‍ എത്തിയപ്പൊഴാണ് ഇതുകോണ്ടോന്നും തീരുന്നില്ല ഇബ്രായി എന്നു മനസ്സിലായത്.
കട്ടിലിന്നടിയില്‍നിന്നും ഇബ്രായി തന്‍റെ സകാര്യസബാദ്യങള്‍ എന്നെ കാണിച്ചുതന്നപ്പോള്‍ ഞാന്‍ അബരന്നു.ദുബായില്‍ സബന്നന്‍മാര്‍ നിരവധിയുണെങ്കിലും ഏറ്റവും കൂടുതല്‍ കറന്‍സികളുടെയും നാണയങളുടെയും ഉടമയാണ് ഇബ്രായി എന്നെനിക്ക് ബൊധ്യമായത് അപ്പോഴാണ്.

കേരളത്തിലെ ഏറ്റവും പുരാതനമായ ഓട്ടമുക്കാല്‍ മുതല്‍ ലോകത്തിലെ ഒട്ടുമിക്ക രജ്യങളിലേയും അത്യപൂര്‍വ്വങളായ നാണയങളും കറന്‍സികളും തുടങി വിചിത്രങളും അപൂര്‍വ്വങളുമായ കൌതുകവസ്തുക്കള്‍ ഇബ്രായിയുടെ ശേഖരത്തിലുണ്ട്.കുട്ടിക്കാലം മുതലുള്ള ശീലം ദുബായിലെത്തിയപ്പോഴും കൈവിട്ടില്ലെന്നുമാത്രം .ശാസ്ത്രീയമായി അവയൊന്നും ഒരുക്കൂട്ടിയില്ല,കാരണം ഗിന്നസ് ബുക്കില്‍ ഇടംതേടുകയല്ല ഇബ്രായിയുടെ ലക്ഷ്യം.ഒരു ചരിത്രകൌതുകത്തിന്‍റെ പേരില്‍ ശേഖരിക്കുക , അത് വരുംതലമുറക്ക് ഉപകാരപ്പെടുമെങ്കില്‍ നല്ലത്- ഇതാണ് ഇബ്രായിയുടെ ഒരു ലൈന്‍.

കേട്ടറിവിന്‍റെ അടിസ്ഥാനതില്‍ മൈലുകളോളം നടന്നും കൈവശമുള്ള നാണയം പകരംകൊടുത്തും ഇബ്രായി വിശന്നും വിയര്‍ത്തും സ്വരൂപിച്ചതാണവ.
ഇബ്രായിയുടേ താത്പര്യങറിയുന്ന ഒമാനിയായ ഹോട്ടലുടമ വിദേശ സര്‍ക്കീട്ട് കഴിഞുവരുമ്ബോള്‍ ഇബ്രായിക്കായി സമാഹരിച്ച നല്‍കുന്ന നോട്ടൂകള്‍,നാണയങള്‍,ഹോട്ടലില്‍ താമസിക്കാന്‍ വരുന്ന വിവിധരജ്യക്കാരുമായി ഇബ്രായി സ്ഥാപിച്ചെടുത്ത സൌഹ്രദം കൊണ്ടുവരുന്ന കറന്‍സികള്‍,
ഇബ്രായിയുടെ പിരാന്ത്(നല്ല അര്‍ത്തില്‍) മനസ്സിലാക്കുന്ന ചങാതിമാര്‍ നല്‍കുന്നവ. ……
താമസിച്ചില്ല എന്നിലെ മാധ്യമപ്രവര്‍ത്തകന്ന് അതും ഒരു സ്റ്റോറിയായി

പക്ഷെ ഒന്നോരണ്ടോ സ്റ്റോറികള്‍ കൊണ്ടു തീരുന്നതായില്ല ഇബ്രായിയും ഞാനുമയുള്ള തുടര്‍ബന്ധം. ദേരഭാഗത്തെവിടെയെങ്കിലും ജോലിയൂണ്ടെങ്കില്‍
ഉച്ചഭക്ഷണം കഴിഞ്ഞ് അല്‍പം വിശ്രമിക്കണമെന്ന് തോന്നിയാല്‍ ഇബ്രായിയുടെ കുടുസ്സ് മുറി യാണെന്‍റെ താവളം.അവിടത്തെ ഏറ്റവും വലിയ സൌകര്യം അവിടെ
മൊബൈല്‍ റേന്ച് കിട്ടില്ല എന്നതാണ്.
ആ നേരം വിളിക്കുന്ന ഭാര്യക്കറിയാം ഞാന്‍ ഇബ്രായുയുടെ മുറിയില്‍ സുഖമായി മയങുകയായിരിക്കുമെന്ന്

എന്‍റെ സഹതാമസക്കാരനായിരുന്ന ഡോ നജീബും ഒരു നാണയ ശേഖരനായിരുന്നു.ഞാന്‍ ഇബ്രായിയെ പരിചയപ്പെടുത്തിയപ്പോള്‍ അവര്‍തമ്മിലും വളര്‍ന്നുവന്നു ഒരു നാണയകൈമാറ്റ ബന്ധം. ഇബ്രായിയുടേ യഥാര്‍ത നാണയപ്രണയം കണ്ട് താന്‍ ഈ പണി നിര്‍ത്തുകയാണെന്ന് പ്രഖ്യാപിച്ച് കൈവശമുള്ള നാണയശേഖരം മുഴുവന്‍ ഇബ്രയിക്ക് കൊടുക്കുവാന്‍ ഡോ.നജീബ് തീരുമാനിച്ചതില്‍ യാതൊരത്ഭുതവും എനിക്ക് തോന്നിയില്ല.

നാണയങളും കറന്സികളും മത്രമല്ല ഇബ്രായിയുടെ ശെഖരത്തിലുള്ളത്.പല കാലങളില്‍ വന്ന പത്ര വാര്‍തകള്‍,ചിത്രങള്‍, പ്രചീന കലാസ്രഷ്ടികള്‍.
ഉപയോഗശൂന്യമായെന്ന് കരുതി മനുഷ്യര്‍ ഉപേക്ഷിക്കുന്ന വസ്തുക്കള്‍ ലൈറ്റിന്‍റെ ഷൈഡായും, പക്ഷികളോ പൂബാറ്റകളോ മനോഹരമായ കലാരൂപങളായോ ഇബ്രായി
പരിവര്‍ത്തിപ്പിക്കും.പക്ഷെ ഇതെല്ലാം തന്‍റെ തുശ്ചവരുമാനതില്‍ നിന്നാണ് ഇബ്രായി ഒപ്പിച്ചുടുക്കുന്നത്.ഇങിനെ പോര ഇബ്രായി നമുക്കോരു പ്രദര്‍ശനം നടത്തണം എന്ന
എന്‍റെയുംമറ്റും നിര്‍ബന്ധം കണക്കിലേടുത്ത് ഇബ്രായി തന്‍റെ ശേഖരങളുടെ ഒരു പ്രദര്‍ശനം വെച്ചു.
കടുത്ത ഇസ്ലാം മതവിശ്വാസിയാണ് ഇബ്രായി,
സുന്നി വിഭാഗം.തൊപ്പി തലയില്‍ നിന്നും ഊരിയ ചരിത്രമില്ല, നോബിലും നിസ്ക്കാരത്തിലും കടുകിട മാറ്റമില്ല.
വളരെ ദേരയിലെ ഇടുങിയ സുന്നി ആസ്ഥാനാത്ത് ഉദ്ഘാടകനായി ഇബ്രായി എന്നെ വിളിച്ചു.കുടുംബസമേതം അവിടെയെത്തിയ ഞങളെക്കണ്ട് തൊപ്പിധാരികള്‍ ആദ്യമൊന്ന് അബരന്നിരിക്കണം കാരണം സ്ത്രീകളായി മറ്റാരും അവിടെയുണ്ടായിരുന്നില്ല.അപ്പോഴേക്കും ഇബ്രായിയുടെ അടുത്ത സുഹ്രുത്തായി മാറിക്കഴിഞ്ഞിരുന്ന ഡോ.നജീബ്, സാദിക് കാവില്‍ മാധ്യമ പ്രവര്‍ത്തകന്‍ അബ്ബാസ് തുടങി നിരവധിപേര്‍ ആശംസയര്‍പ്പിക്കാനെത്തിയിരുന്നു.

ഇതുകോണ്ടോന്നും തീരുന്നില്ല ഇബ്രായി.

നല്ലൊരു വാര്‍ത്ത ഉറവിടന്‍(News source) കൂടിയാണ് ഇബ്രായി.ദേര ഭാഗത്ത് തീപിടുത്തമാവട്ടെ,വാഹനപകടമാവട്ടെ,മരണമാവട്ടെ ഏത് പാതിരാത്രിയിലും ഇബ്രായിയ്ടെ ഫോണ്‍വരും.പാതിരാവില്‍ ഞാന്‍ പ്രവേശനം അനുവദിച്ച ചുരുക്കം ചില ഫോണുകളിലൊന്നാണ് ഇബ്രായിയുടേത്.

ഇതുകൊണ്ടും തീരുന്നില്ല ഇബ്രായി





വാര്‍ത്തകള്‍ തരുന്നതിനല്ലാതെയും ഇബ്രായി വിളിക്കും അത് മറ്റൊരു കാര്യത്തിനാണ്.

ഇബ്രായിയെ സ്നെഹിക്കുന്നവര്‍ ധാരാളമുണ്ട്.അവര്‍ ഇബ്രായിക്ക് പല സമ്മാനങളും നല്കും സ്വകാര്യസബാദനത്തില്‍ അശേഷം താത്പര്യമില്ലാത്ത ഇബ്രായി അപ്പോള്‍ തനിക്ക് വേണ്ടപ്പെട്ടവര്‍ക്ക് എത്ര നിര്‍ബന്ധപൂര്‍വ്വം വേണ്ടെന്നുപറഞ്ഞാലും ഇബ്രായി അത് നല്കിയിരിക്കും.ബാച്ചിലര്‍ ജിവിതം അവസാനിപ്പിച്ച് കുടുബത്തെ കൊണ്ടുവന്നപ്പോള്‍ ഇബ്രായി ഒരു സെറ്റ് പാത്രങളുമായെത്തി.ഭക്ഷണം ചൂടാറതെ വെക്കാനുള്ള casorol കള്‍.
“’ഇങക്ക് ഇത് വേണ്ടിവരും...’’ ഇന്നും ഞങളുടെ ഭക്ഷണമേശയില്‍ ആഹാരം ചൂടാറാതെ ഇരുക്കുന്നുണ്ടെങ്കില്‍ അതിനുത്തരവാദി ഇബ്രായി തന്നെ.
,മറ്റൊരിക്കല്‍ വീട്ടില്‍ എലിശല്യം പെരുകി,പല രീതികളും പരീക്ഷിച്ചു പരജയമടഞിരിക്കുബോള്‍ അതാവരുന്നു ഇബ്രായിയുടെ വക എലിക്കെണി.ഇന്നും എന്‍റെ വീട്ടില്‍ എലിയില്ലാത്തതിന് കാരണം ഇബ്രായിയു ടെ എലിക്കെണിതന്നെ.
മറ്റൊരിക്കല്‍ ഇബ്രായി വരുന്നു.കൈയ്യില്‍ ഒരു വലിയ കൂട നിറയെ പലവിധ പഴങള്‍.അല്‍ അയിനിലുള്ള ജ്യേഷ്ടന്‍റെ പഴക്കടയില്‍ നിന്നും കോണ്ടുവന്ന അപൂര്‍വ്വങളായ പഴങള്‍....ഇതെന്തിനാണ് ഇബ്രായി എന്നു ചോദിച്ചാല്‍ ‘’ങ്ളെ കുട്ടികള്‍ ഇതൊന്നും തിന്നിറ്റുണ്ടാവില്ല ‘’എന്നതായിരിക്കും മറുപടീ.
ഇബ്രായിയുടെ സമ്മാനങള്‍ അപ്രതീക്ഷിതങളായ അത്ഭുതങളായാണ് ഭവിക്കുക.ചിലപ്പോള്‍ എന്‍റെ ഭാര്യക്കായി മനോഹരമായ ഒരു കുല പ്ലാസ്റ്റിക് പൂക്കളായിട്ടായിരിക്കും

അല്ലെങ്കില്‍ സുഹ്രുത്തായ വസ്ത്രകയ്റ്റുമതിക്കാരന്‍
സമ്മാനമായി നല്‍കിയ ഒരു കൂട്ടം കുഞ്ഞുടുപ്പുകള്‍.നിര്‍ഭാഗ്യത്തിന്‍ അതെല്ലാംതന്നെ കുഞ്ഞുടുപ്പുകളായിരുന്നു.എന്‍റെ കുട്ടികള്‍ക്കിതൊന്നും പാകമാവില്ലെന്നറിയിച്ചപ്പോള്‍ പാകമാവുന്ന കുഞ്ഞുങള്‍ക്കര്‍ക്കെങ്കിലും കൊടുത്തുകൊള്ളാനായിരുന്നു ഇബ്രായിയുടെ നിര്‍ദ്ദേശം.തനിക്ക് ലഭിക്കുന്ന സമ്മാനങള്‍ തനിക്ക് അവകാശപ്പെട്ടതല്ലെന്നും അത് മറ്റുള്ളവര്‍ക്കെത്തിക്കുന്ന ഒരു വാഹകന്‍ മാത്രമാണ് താന്‍ എന്ന
ഒരു സൂഫിലൈനാണ് ഇബ്രായിയുടേതെന്ന് എനിക്ക് പലപ്പോഴും തോന്നിയിട്ടുണ്ട്.

അതിന്‍റെ ഉദാത്തമായ പ്രതീകമായി ഒരിക്കല്‍
ആരോ സമ്മാനിച്ച ഒരു ആഫ്രിക്കന്‍
ഓയില്‍ പെയിന്‍ടിങ് എനിക്ക് തന്നെ തരണമെന്ന് ഇബ്രായിക്ക് നിര്‍ബന്ധം.ആട്ടിന്‍കുട്ടിയെ മാറോട് ചേര്‍ത്ത് നില്കുന്ന കറുത്ത് കുട്ടിയെ വരച്ച ആഫ്രിക്കന്‍
അഞാതചിത്രകാരനെ എനിക്കറിയില്ല എന്നാല്‍ എന്‍ടെ സ്വീകരണമുറിയെ ദീപ്തമാക്കുന്ന ഈ ചിത്രം പ്രതിഫലങള്‍ക്ക് വേണ്ടിമാത്രം

അന്യനെ സ്നേഹിക്കുന്നതായി ഭാവിക്കുകയും അവാര്‍ഡിന്നും പുരസ്കാരങള്‍ക്കുമായി ജീവകാരുണ്യം കൊട്ടിഘോഷിക്കുകയും ചെയ്യുന്ന മണല്‍ നഗരത്തിലെ മായാമനുഷ്യര്‍ക്കിടയില്‍
വറ്റാത്ത കാരുണ്യത്തിന്‍റെ മൂശയില്‍ തീര്‍ത്ത രണ്ടുവശങളില്ലാത്തതും
അപൂര്‍വ്വ ചരുതയാര്‍ന്നതുമായ
ഒരു നാണയംപോലെ ഇബ്രായിയുടെ സാന്നിധ്യം വിളിച്ചറിയിക്കുന്നു.

എന്നാല്‍
ഇതുകൊണ്ടും തീരുന്നില്ല ഇബ്രായി………..

(സുഹ്രത്ത് ശിഹാബുദ്ദീന്‍ പൊയ്തുംകടവിന്‍റെ നിര്‍ബന്ധം പ്രമാണിച്ച് മിഡില്‍ ഈസ്റ്റ് ചന്ദ്രിക മാസികക്ക് വേണ്ടി ഉണ്ടാക്കിയത്)

Friday, June 26, 2009

എ.സോമന്- An unfinished poem - A Soman



(അടുത്തറിയുന്നവര്‍ സോമന്‍മാഷ് എന്ന് വിളിക്കും,കൂടുതലടുത്തവര്‍ സോമന്‍ എന്ന് വിളിക്കും
അതിലുമടുപ്പമുള്ളവര്‍ എസോമന്‍ എന്ന് തന്നെ വിളിക്കും

ആരായിരുന്നു ഇയാള്‍? കോഴിക്കോട് എന്‍ചിനിയറിംഗ് കോളജിലെ ഇംഗ്ളീഷ് അദ്ധ്യാപകന്‍ ?
വിരലിലെണ്ണാവുന്ന ചെറുകഥകളും അതിലേറെ സാമൂഹ്യ വിമര്‍ശനങളുമെഴുതിയആള്‍ ?
ബിരുദ വിദ്യാര്-ഥിയായിരിക്കുബോള്‍ മുതല്‍ കോഴിക്കോടും പ്രാന്തപ്രദേശങളിലുമുള്ള
അനവധി പരലല്‍ കോളജുകളിലെ കുട്ടികളുടെ പ്രിയങ്കരനായ മാഷ് ?
എസ്.എഫ്.ഐയിലൂടെ രാഷ്ട്രീയ പ്രവര്‍ത്തനം നടത്തി എഴുപതുകളുടെ അവസാനത്തില്‍ ഉദിച്ചുയരുകയും എണ്‍പതുകളുടെ ആരംഭത്തില്‍ അടിപതറി വീഴുകയും ചെയ്ത് ജനകീയ സാംസ്കാരിക വേദിയുടെ നേത്രനിരയിലേക്ക് ഉയര്‍ന്ന കേരള ചരിത്രത്തിലെ ആദ്യത്തെതെന്ന് പറയാവുന്ന കോഴിക്കോട് മെഡിക്കല്‍ കോളജ് ഡോക്ടര്‍ വിചാരണയിലെ ജനകീയ ന്യായാധിപന്‍ ?......
ഇത് മാത്രമായിരുന്നില്ല ഞങളില്‍ ചിലര്‍ക്കെങ്കിലും എസോമന്‍........

മാനന്‍ചിറയുടെ സിമന്‍ര്‍ ബന്‍ചുകളും കോഴിക്കോട് നഗാരം സ്റ്റേഷനിലെ ലോക്കപ്പില്‍ അടിവസ്ത്രം മാത്രമായി കഴിയേണ്ടിവന്ന രാത്രിയും മുറിബീഡിക്കായി തിരക്ക് പിടിക്കുന്ന സബ് ജയിലിലെ തടവുപുള്ളികള്‍ക്ക് ഇംഗ്ളീഷില്‍ അപേക്ഷയെഴുതികൊടുത്ത പകലുകളും,പിന്നെ.......അടിതെറ്റിയ

കിനാക്കളെയോര്‍ത്ത് പഴിച്ചും പഠിച്ചും പിന്നെ തകര്‍ന്നും .....
ഓര്‍ക്കുവാനേറെ...അര്‍ബുധം കാര്‍ന്നുതിന്ന ശരീരവുമായി ആശുപത്രിയിലേക്കുള്ള മരണവേഗത്തില്‍ അവന്‍ കുടിക്കാന്‍ ചോദിച്ചത് ഒരിളനീര്‍..പുലര്‍ച്ചെ അവന്‍ മരിച്ചു.
കട്ടിലിന്നരികില്‍ എനിക്കായി വെച്ചത് ഒരു ഇളനീര്‍തൊണ്ട് മാത്രം )








വേവലാതിപ്പുഴയേഴും കടന്നുനീ യാത്രയായ്
നിലാവെറിഞ്ഞയിടവഴികളുടെയവസാന

തോണിയുമിറങി നീ യാത്രയായഗ്നി
പഞജരത്തേരില്‍


പാതിവെന്തതലച്ചോറുണ്ണുവാനെത്തും
ഒറ്റച്ചിറകന്‍ കാക്ക ഞാന്‍

ഉഷ്ണിച്ചുപായും
പുകവണ്ടീയിലെങോതിളക്കുമോരാലിന്‍-
ചുവടുതിരഞുമുന്‍മാദം മുടിയഴിച്ചിട്ടുതുള്ളും
രാപ്പനീയായി നീ പൊരിഞതും

കടുംനിറം മോത്തിക്കുടിച്ചാഹ്ലാദമെബാടും
ചിതറിത്തെറിപ്പിക്കും മഴകളില്‍,
കടല്‍ത്തിരക്കുത്തില്‍
തര്‍ക്കിച്ചു നാളേറെയോടുവിലുല്‍സവം
കൈവിട്ട കുട്ടികളായിനാമലഞ്ഞു.

പുലരികള്‍ തിരഞുനാം
പ്രളയസൂര്യനെകുടിക്കുവാന്‍
അക്ഷരച്ചോരയില്‍
തകരുന്ന കപ്പലിന്നണിയം തിരഞുനാം
അപരന്‍റെ വാക്കുകള്‍കാതിലേക്കെബാടും
കോരിയൊഴിച്ചു നാ-
മമരസംഗീതം തുഴയുവാന്‍

ഭ്രാന്തെടുക്കുന്നൂ നിന്നാര്‍ദ്ര മനസ്സിളിലൊളിപ്പിച്ച
സഹനം നിനവില്‍ വരുബോള്‍.

എച്ചില്‍ക്കൊട്ടയില്‍ കയ്യിട്ടുനക്കും
കാലത്തിന്‍ കളീക്കോപ്പുകളായി സഖാക്കളോടുങവെ
ചിരിമറന്ന,
കടമുണ്ണൂന്ന
കൂട്ടിക്കോടുപ്പിന്‍ ലാഭനഷ്ടങള്‍ ചികഞുതീരുമെന്‍
രാപ്പകലുകളില്‍നിന്നും ഭാഗ്യവാന്‍
നീയാദ്യം പറന്നകന്നല്ലോ

ഓര്‍ക്കട്ടെ ഞാനാ വറുതിതന്നടുപ്പില്‍
വേവാതെ വെന്തനിന്‍ കഠിനബാല്യങളെ
വിശന്നുംവിയര്‍ത്തും
കുണ്ടനിടവഴികളിലുടക്കിയ ദിനങളെ
വയറ്റുപ്പിഴപ്പിന്‍ടെ ക്ലാസ്സ്മുറികളിലുരഞുതീര്‍ന്ന
നിന്‍തരുണ വേഗങളെ
ആരൊകളയുന്ന പാതിയെരിഞ
പുകക്കുഴല്‍ മൊത്തുവാന്‍ വെംബിയ കഠിനവയിലിന്‍
ലോക്കപ്പ് മുറികളെ

നീതിയുടെ നിലവിളി പാഥേയമാക്കിയ
നിരര്‍ഥക തീര്‍ത്തടനങള-
ടിവസ്ത്രമഴിപ്പിക്കുമതിക്രൂര
നിയമപാലനങള്‍,ഭിക്ഷകള്‍,
സ്വവര്‍ഗ്ഗകൊടുംവെലിയില്‍ പിണയും
പച്ചിലപാബിഴയും രാത്രികള്‍

ഒളിക്കുവനോന്നുമില്ലത്തവാന്‍ നീ
നഗ്നന്‍ കിടക്കുന്നെന്‍കൈക്കുരിശിലരുമയായ്
സര്‍വ്വാഗമര്‍ബുദശോഭയാല്‍

ഇല്ലെനിക്കോരു വാക്കുംനോട്ടവും ബാക്കിയാ
യൊരീയിളനീരിന്‍ തൊണ്ട് മാത്രമിനിയോര്‍മ്മയില്‍

ആയിരംപൈതങള്‍ക്ക് വയറ്റാട്ടിയാം നിന്നമ്മതന്‍
മടിയിലിറക്കികിടത്തുന്നൂ ചോരവാര്‍ന്നതാം
കാലത്തിന്‍ മാര്‍ബിള്‍മിനാരം നീ

തീപിടിച്ചോടുമീയതിവേഗ വണ്ടിതന്നിരുബ് –
പാളങളീലെങോട്ട് മാറണമെന്നറിയാതുഴലുന്ന
പട്ടിയുടബരപ്പായി ഞാന്‍ നില്ക്കവെ


ജ്വലിപ്പിചുനിര്‍ത്തട്ടെ ഞനെന്നക്ഷരജാലകവുമതി
ലൊട്ടിപ്പിടിച്ചൊരുനീലകാശവുമതിനെ
പ്പിളര്‍ക്കുമോരു മിന്നല്പിണരും

2004/sept






Wednesday, June 3, 2009

പടപേടിച്ച് പന്തളത്ത് ചെല്ലുബോള്‍…… JOHN ABRAHAM …………




Remembering the unbeatable legend on his 23rd death anniversary


അമ്മ അറിയാന്‍- ചിത്രീകരണകാലം.
മദ്യപാനമെന്ന ദിനചര്യയില്‍ പ്രത്യേകിച്ച് മാറ്റമൊന്നും വരുത്താതെതന്നെ ജോണ്‍ തന്‍റെ ജോലികള്‍ മുറപോലെ ചെയ്തുകൊണ്ടിരുന്നു.മദ്യമായിരുന്നല്ലോ ജോണിന്‍റെ ചോറ്(പലര്‍ക്കും സിനിമയാണ് തങളുടെ ചോറെന്ന് പറയുവാന്‍ മടിയില്ലെന്നോര്‍ക്കുക) ഒരു കാര്യത്തില്‍ ജോണ്‍ പ്രത്യേകിച്ച് ശ്രദ്ധിച്ചിരുന്നു,
വന്‍ മദ്യപാനികളെ തന്‍റെ സിനിമാപണിയുടെ ഏഴയലത്ത് പോലും ജോണ്‍ അടുപ്പിച്ചിരുന്നില്ല, അതുപോലെ വന്‍ ബുദ്ധിജീവികളേയും.ഇരു കൂട്ടരേയും പറ്റി ജോണിന്‍റെ കമന്‍റ് ഇതായിരുന്നു

''അവന്മാര്‍ ചുമ്മാ മനുഷ്യനെ സിനിയുണ്ടാകാന്‍ സമ്മതിക്കത്തില്ല.''

അരാജകവാദികളുടെ മുത്തപ്പനായ സാക്ഷാല്‍ ജോണ്‍ അബ്രഹാമാണ് ഈ പറയുന്നതെന്നോര്‍ക്കണം.അത് കൊണ്ടാണ്,നടനും സിനിമാക്കാരനും നര്‍ത്തകനും സര്‍വ്വോപരി നല്ലൊരു ലഹരിദായകനുമായ സുരാസുവിനെപ്പോലും ജോണ്‍ അകറ്റിനിര്‍ത്തിയത്.മറ്റൊരു മദ്യപാന സുഹ്രുത്തും നടനും ഗായകനുമായ ഹമീദ് മന്നിശ്ശേരിയെ സിനിമയുടെ പരിസരത്ത് വരാന്‍ ജോണ്‍ അനുവദിച്ചതേയില്ല.
അതില്‍ ഹമീദ്ക്കയുടെ പരിഭവം ഞാന്‍ ഏറെ കേട്ടിട്ടുള്ളതാണ്.
ഇനിയുമൊരാള്‍ കവി എ.അയ്യപ്പനാണ്.ഫോര്‍ട്ട് കൊച്ചിയിലെ ഷൂട്ടിങ് സ്ഥലത്ത് ഒരു അര്‍ധരാത്രിയില്‍ ഓടോറിക്ഷയില്‍ അരക്കുപ്പി മദ്യവുമായി വന്ന അയ്യപ്പനെ ഒന്നെത്തിനോക്കാന്‍പോലും ജോണിനെകിട്ടിയില്ല.
വന്നത് കവി അയ്യപ്പനായതിനാലും അരകുപ്പി കൈവശമുള്ളതിനാലും കള്ളുകുടിക്കന്‍ പോയിട്ട് കഞ്ഞികുടിക്കാന്‍ വകയില്ലാതിരുന്ന ഞാനും മറ്റാരൊക്കെയൊ അയ്യപ്പനെയും തട്ടിയെടുത്ത് മട്ടാന്ചേരി കടപ്പുറത്തെവിടെയോപോയി രാത്രിയെ ഓടിച്ചകറ്റി.
ഞങള്‍ രാത്രിയെ മാത്രമെ ഓടിച്ചകറ്റിയുള്ളൂ എന്നാല്‍ ജോണ്‍ സാക്ഷാല്‍
അയ്യപ്പനെത്തന്നെ ആ രാത്രിയില്‍ പടികടത്തി,അതിനായി കോട്ടപ്പുറത്ത്നിന്നും സിനിമാസംഘാടകനായി വന്ന ചാരുമംജ്ദാര്‍ ലൈന്‍ അജയ്യമല്ലേ എന്ന് സന്ദേഹിച്ചുതുടങിയ സെബാസ്റ്റ്യനേയും അമ്മ അറിയാനിന്‍റെ മുഖ്യസംഘാടക നായ അമ്മദിനേയും ജോണ ഏര്‍പ്പാടാക്കിയിരുന്നു.ഇങിനെയൊക്കെയായിരുന്നെങ്കിലും ഒറ്റയായും തെറ്റയായും അരാജകവാദികള്‍ ജോണിനെ തിരക്കിയെത്തുക പതിവാണ്.
ദാരിദ്രത്തില്‍ പൊതിഞ്ഞ ചിത്രീകരണദിനങള്‍,
ഫിലിം വാങിക്കുവാന്‍ പണമില്ലാത്ത അവസ്ഥകള്‍,
കനലെരിയുന്ന മനസ്സുമായി ജോണ്‍,
ചിലപ്പോഴെല്ലാം സ്റ്റാലിനെപ്പോലെ പെരുമാറിയിരുന്ന അമ്മദിന്‍റെ കടുംപിടുത്തങള്‍ ഏല്ലാമായപ്പോള്‍ ജോണിന്നും പിടിവിട്ടു.ഫലം ചിത്രീകരണം നിലച്ചു.
ജോണ്‍ കുടിനിര്‍ത്തിയാലേ ഇനി ഷൂട്ടിംഗ് വേണ്ടതുള്ളൂ എന്ന തീരുമാനം വന്നു.

എല്ലവരും പിരിഞ്ഞു.ജോണ്‍ പന്തളത്തുള്ള ചേച്ചിയുടെ വീട്ടിലേക്കും യാത്രയായി.



ജോണ്‍ മദ്യപാനം നിര്‍ത്തിയെന്ന വാര്‍ത്ത പ്രചരിച്ചു.സഹമദ്യപാനികള്‍ പലരും നിജസ്ഥിതി അറിയുവാന്‍ പന്തളത്തേക്ക് വണ്ടികയറാനൊരുങി,എന്നാല്‍ ജോണിന്‍റെ പന്തളം വിലാസം അമ്മദ് രഹസ്യമായി വെച്ചിരുന്നതിനാല്‍ ആര്‍ക്കും ജോണിനെ കണ്ടെത്താനായില്ല.
ജോണിനെക്കുറിച്ച് അമ്മദ് പുറ്ത്തുവിടുന്ന കാര്യങള്‍മാത്രമെ ഞങള്‍ക്കുണ്ടയിരുന്നുള്ളൂ.
മദ്യപാനം പൂര്‍ണ്ണമായി നിര്‍ത്തി,അമ്മയെപ്പോലെ ജോണ്‍ സ്നേഹിക്കുന്ന ശാന്തമ്മ ചേച്ചിയുടെ ശാസനാപൂര്‍ണ്ണമായ വത്സല്യങളീല്‍ ജോണ്‍ അടുത്ത ഷെഡ്യൂളിന്‍റെ ആലോചനയിലാണെന്നാണ്
അമ്മദില്‍നിന്നും അറിയുവാന്‍ കഴിഞ്ഞത്.അടുത്ത ഷെഡ്യൂള്‍ തുടങുന്നതും കാത്തിരിക്കുന്നതിന്നിടയിലൊരുദിനം അമ്മദിന്‍റെ ഫോണ്‍ വന്നു.ജോണിന് നല്ല സുഖമില്ല നിങള്‍ ഉടനെ പന്തളെത്തത്തണം.എന്താണസുഖം എന്ന എന്‍റെ ചോദ്യത്തിന്‍ മദ്യപാനം നിറുത്തിയത്കൊണ്ടുള്ള എന്തോ പ്രശ്നങളാണ്,നിങളെ കാണണം എന്ന് ജോണ്‍ പറഞ്ഞു.
മുന്‍പ് മദ്യപാനം ഉള്ള ജോണിനെ പേടിച്ചാല്‍ മതിയായിരുന്നു.ഇപ്പോള്‍ മദ്യപാനം നിര്‍ത്തിയ ജോണീനെയും പേടിക്കണമെന്ന അവസ്ഥയായിരിക്കുന്നു.ഏതായാലും ഞാന്‍ പടപേടിച്ചുതന്നെ പന്തളത്തേക്ക് ബസ്സുകയറീ.


അതിരാവിലെയാണ് ഞാന്‍ പന്തളത്തെത്തിയത്.
അസ്വസ്ഥചിത്തമായ മനസ്സും സിംഹഗര്‍ജനവുമായി നില്‍ക്കുന്ന ജോണിനെ പ്രതീക്ഷിച്ചുചെന്ന എനിക്ക് തെറ്റി.
കുളിച്ച് അലക്കിയ ശുഭ്രവസ്ത്രം ധരിച്ച് വായിക്കാനുള്ള കണ്ണടയും ഫിറ്റ് ചെയ്ത് അതാ നില്‍ക്കുന്നു,ജോണ്‍.
ശാന്തമ്മചേച്ചിയുടെ സ്നേഹവും കരുതലും ജോണിനെ നേരെയാക്കിയെടുത്തു എന്നെനിക്ക്
ബോദ്ധ്യമായി.ജോണിനോടോപ്പം പ്രാതല്‍ പങ്കിടുബോഴും ജോണിന് എന്തെങ്കിലും പ്രശ്നമുള്ളതായി എനിക്ക് തോന്നിയില്ല.എന്നാല്‍ ഭക്ഷണം കഴിഞ്ഞ് എന്നെയും കൂട്ടി ജോണ്‍ മുറ്റത്തേക്കിറങി കിണറ്റിന്‍കരയില്‍ ചെന്നുനിന്നു കൈവിരലുകള്‍കോണ്ട് ഫ്രെയിം വെച്ച് എന്നോട് പറഞ്ഞു.ഇതിന്നുള്ളില്‍(കിണറ്റില്‍) വേണു ക്യാമറായുമായി ഇറങണം.180 ഡിഗ്രിയിലൊരു പാനിംഗ്,അതവസനിക്കുന്നതിന് മുബ് പുരുഷന്‍റെ(അമ്മ അറിയാനിലെ എന്‍റെ കഥാപാത്രത്തിന്‍റെ പേര്)മോണോലോഗ് തുടങണം.ഞാന്‍ അന്തംവിടും മുബ് ജോണ്‍ എന്നെയുംകൊണ്ട് മുറ്റത്തിന്‍റെ മറ്റൊരു മൂലയിലേക്ക് പോയി.
തുബച്ചെടികള്‍ നിറഞ്ഞുനില്‍ക്കുന്ന പറബില്‍ ജോണ്‍ കുനിഞ്ഞിരുന്നുകൊണ്ട് പറഞ്ഞു,ഇതിലെയാണ് നീ പാറുവിനെയും(അമ്മ അറിയാനിലെ നായികാ കഥാപാത്രം)കൊണ്ട് വയാട്ടിലേക്ക് പോകേണ്ടത്,വേണു ക്യാമറായുമായി ഇതിന്‍റെ മുകളീല്‍ നില്കണം.....ഇപ്പോള്‍ എനിക്ക് കാര്യങളൂടെ കിടപ്പ് മനസ്സിലായി...ജോണിന്‍റെ ഫ്രയിമുകള്‍ ഒന്നൊന്നായി മനസ്സില്‍നിന്നും പുറത്തേക്ക് വന്നുകൊണ്ടിരുന്നു.



(Purhan on his way …….in AMMA ARIYAN)

ഉമ്മറവാതില്‍ക്കല്‍ വന്നു ചേച്ചി ജോണിനെ അകത്തേക്ക് വിളിച്ചു.ജോണ്‍ ഉച്ചത്തില്‍ പാക്കപ്പ് പറഞ്ഞു,പിന്നെ കൊച്ചുകുട്ടിയായി അക്ത്തേക്ക്…
തനിച്ചായപ്പോള്‍ ചേച്ചി പറഞ്ഞു..രാത്രിയില്‍ രാജന്(ജോണിനെ വീട്ടില്‍വിളിക്കുന്ന പേര് )തീരെ ഉറക്കമില്ല,നിങളുടെയൊക്കെ പേരു വിളിച്ച് ഷൂട്ടിംഗാണ്.ഡോക്ടറൂടെ അടുത്തേക്ക് വരാന്‍ കൂട്ടാക്കുന്നില്ല.എങിനെയെങ്കിലും സമ്മതിപ്പിച്ച് ഡോക്ടറെ കാണിക്കണം.

അമ്മ അറിയാനിലെ ചിത്രീകരണത്തിനിടയില്‍ ജോണ്‍ വഴക്ക് പറയാത്ത് ചുരുക്കം ഒരാളില്‍ ഒന്ന് ഞാനായിരുന്നതിനാലും ജോണിനെ അനുനയിപ്പിക്കാനുള്ള ചില വിദ്യകള്‍ കൈവശമുള്ളതിനാലും( നമ്മള്‍ രണ്ടാളൂം കുന്നംകുളത്തുകാരാരണെന്നും ഇരുവരുടേയും അമ്മവീട് പനക്കല്‍ തറവാടണെന്നും പറയുകയാണ് ആദ്യപടി,അല്ലെങ്കില്‍ മാര്‍ത്തോമ്മാ സ്ഭക്കാരായ ഞങള്‍ക്ക് സംയുക്തമായി പാടാന്‍കഴിയുന്ന ചില ഭക്തി ഗാനങള്‍ അതിന്‍റെ തമാശ ആസ്വദിച്ച് പാടുക...ഇതൊക്കെയാണ് ചിലപ്പോഴൊക്കെ ഞാന്‍ പ്രയോഗിക്കാറ്) പക്ഷെ ഇത്തവണ അതൊന്നും വേണ്ടിവന്നില്ല എന്നതാണ് നേര്.
''നമുക്ക് ഡോക്ടറെ കാണാം '' എന്ന് ഇങോട്ട് പറഞ്ഞ് ഒരത്ഭുതം പോലെ ജോണ്‍ ഇറങിവന്നു.
പന്തളം ജനറല്‍ ആശുപത്രിയിലെ മാനസികരോഗികളുടെ വാര്‍ഡാണ് അടുത്ത രംഗം. അപ്പുറത്തും ഇപ്പുറത്തുമുള്ള കട്ടിലുകളില്‍ വിവിധതരക്കാരായ മാനസിക രോഗികള്‍
ചുവരിനോട് ചേര്‍ന്നുള്ള ഒരു ഇരുബ് കട്ടിലില്‍ ജോണ്‍.

അപ്പോഴേക്കും അമ്മ അറിയാനിലെ നടനും നല്ലൊരു ഗസല്‍ ഗായകനും സര്‍വ്വോപരി ജോണ്‍ അനുയായിയുമായിതീര്‍ന്ന ഫോര്‍ട്ട് കൊച്ചിയുടെ സ്വന്തം നസീം എത്തി.എനിക്ക് സമധാനമായി,കൂട്ടിനൊരാളുണ്ടല്ലോ. ജോണിനുള്ള പ്രത്യേക പരിഗണന പ്രമാണിച്ച് ഞങള്‍ക്കും കിട്ടി പ്രത്യേക പരിഗണന-അതായത് താഴെ തറയില്‍ പത്രക്കടലാസ് വിരിച്ച് കിടക്കുവാനുള്ള പരിഗണന.സര്‍ക്കാര്‍ ആശുപത്രിയില്‍,അതും പന്തളം പോലൊരു രാജ്യത്ത്......

വാര്‍ഡില്‍ അഡമിറ്റ് ആയ ഉടനെ ജോണ്‍ ഞങളൂടെ കാര്യത്തില്‍ അതീവ ശ്രദ്ധാലുവായി.താഴെ തറയില്‍ പത്രം വിരിച്ചുകിടക്കുന്ന ഞങളോട് അവിടെ കിടക്കേണ്ടേന്നും ചേച്ചിയുടെ വീട്ടില്‍ പോയി കിടക്കാനും ജോണ്‍ നിര്‍ബന്ധിച്ചു.പോരാത്തതിന്,ഞാന്‍ കുടിനിര്‍ത്തിയതാ നിങള്‍ വേണേല്‍ രണ്ടെണ്ണം കഴിച്ചോ എന്ന് പറ്ഞ്ഞ് പന്തളത്ത് എവിടെയൊക്കെ മദ്യ ഷാപ്പുണ്ടെന്നും ജോണ്‍ വിശദീകരിച്ചുതന്നു.


(Nilambur Balan & Ramachandran Mokeri in AMMA ARIYAN)



സാദാ രോഗികള്‍ക്ക് നല്‍കാറുള്ള ചില ഗുളികകളുമായി വരുന്ന നഴ്സ് കുട്ടിയോട്
എനിക്ക് കറണ്ട് വെക്കുന്നില്ലേ എന്ന് ജോണ്‍ തമാശയാക്കും.ക്രമേണ അവള്‍ക്ക് ജോണിനോട് ആരാധനയായി. അവള്‍ പോയിക്കഴിയുബോള്‍ ജോണ്‍ പറയും...കോട്ടയത്തെ ആഴ്ചപ്പതിപ്പുകള്‍ വായിച്ച് ഇവള്‍ക്ക് എന്നോട് പ്രേമം കയറിയെന്ന്. അങിനെ സംഭവിച്ചോട്ടെയെന്ന് ഞങളും ആത്മാര്‍ഥമായി ആഗ്രഹിച്ചു.
ദിവസങള്‍ അങിനെ കഴിഞ്ഞു,
.. സൈക്ക്യാട്രിസ്റ്റ് വിവരമുള്ളൊരു മനുഷ്യനായിരുന്നു എന്ന് ജോണ്‍ ആദ്യമേ പറഞ്ഞിരുന്നു.സംഗതി നേരാണെന്ന് എനിക്കും നസിമിന്നും ബോദ്ധ്യപ്പെടാന്‍ കുറച്ചുദിവസമെടുത്തു. ഡോക്ടര്‍ പറഞ്ഞു,
മദ്യപാനം പെട്ടെന്ന് നിര്‍ത്തിയതിന്‍റെ പ്രശനങളാണ്, hallucinations…ജോണിന്നും അതറിയാം അതിനാല്‍ ഡോക്ടര്‍ ജോണിന്ന് ഇഷ്ടപ്പെട്ട ഒരു മരുന്നു വിധിച്ചു.ദിവസവും രണ്ട് പെഗ്ഗ് കഴിക്കാം..
അതില്‍ക്കൂടുതല്‍ പാടില്ല.രോഗി ഇച്ചിച്ചതും വൈദ്യന്‍ കല്‍പിച്ചതും പാല്.
നഴ്സ് കുട്ടിക്കായിരുന്നു മദ്യം കസ്റ്റഡിയില്‍ വെക്കാനും രണ്ട്-രണ്ടേ രണ്ട്‌- പെഗ്ഗ് കൊടുക്കുവാനും അധികാരമുള്ളൂ.ദിവസങള്‍ കഴിഞപ്പോള്‍ ജോണ്‍ പഴയ ജോണായി.
ഫ്രയിമുകള്‍ ക്രത്യമായി.
അമ്മ അറിയാനിലെ സീനുകള്‍ ക്രത്യമായി.
അകബടിക്കാരായ ഞങള്‍ വിവരം അമ്മദിനെ അറിയിച്ചു.അമ്മദിന്‍റെ മറുപടി വന്നു.അടുത്ത് ഷെഡ്യൂള്‍ ഏര്‍പ്പാടാക്കി.എല്ലാം റെഡി ,നിങള്‍ ജോണീനെയും കൊണ്ട് തിരുവനന്തപുരത്തേക്ക് വരിക. ജോണ്‍ തന്‍റെ ആരാധിക നഴ്സ് കുട്ടിയോട് യാത്ര പറയാന്‍ ഒരു മിനിറ്റ് നേരത്തേക്ക് അപ്രത്യക്ഷനായി



(purushan meets Dr.I.Rajan in AMMA ARIYAN)




ഡിസ്ചാര്‍ജ്ജ് വാങി ഞങള്‍ ജോണിനെയുംകൊണ്ട് പന്തളത്തുനിന്നും തിരുവനതപുരത്തേക്ക് ബസ് കയറി.
ഏറ്റവും പുറകിലത്തെ സീറ്റില്‍ ഞങള്‍ മൂവര്‍ മാത്രം.
ബസ്സ് അല്പദൂരം മുന്നോട്ടോടിക്കാണും ജോണ്‍ തന്‍റെ കയ്യിലെ സന്ചിയില്‍ നിന്നും ഒരു ഫുള്‍ കുപ്പിയെടുത്ത് വായിലേക്ക് കമിഴ്ത്തുന്നു.ഞാനും നസീമും അന്തംവിട്ടു.ഇതെങിനെ സംഘടിപ്പിച്ചു? ഞങളുടെ കണ്ണുവെട്ടിച്ച് ജോണ്‍ എങും പോയില്ലല്ലോ?കുടി കഴിഞ്ഞാല്‍ ജോണിന്‍റേത് മാത്രമായ ശൈലിയില്‍ ചിറി തുടച്ച് താടിയുഴിഞ്ഞ് ഒരു കള്ളച്ചിരി ചിരിച്ച് ജോണ്‍ പഴയ ജോണായി. പറഞ്ഞു.ഏതായാലും ഡിസ്ചാര്‍ജല്ലേ ,രോഗം മാറാനുള്ള മരുന്ന് ആശുപത്രിയില്‍ ഇട്ടേച്ച് പോരുന്നതെന്തിനാ?,ഞാനിതങെടുത്തു,ജോണ്‍
നഴ്സ്കുട്ടിയോട് യാത്രപറയാന്‍ പോയതിന്‍റെ രഹസ്യം അപ്പോഴാണ് ഞങള്‍ക്ക് പിടികിട്ടിയത്.ജോണിന് പ്രണയം രണ്ട് കാര്യങളോടെ ഉണ്ടായിരുന്നുള്ളൂ,മദ്യത്തിനോടും സിനിമയോടും.ഇതില്‍ ഏതിനോടാണ് പ്രഥമപ്രണയം എന്ന് മാത്രമെ എനിക്കറിയാതുള്ളൂ

Wednesday, May 27, 2009

കുരിക്കല്ലേരി എവിടെ?—Theatrical memoirs-chapter 1

(സാധാരണ ചാകാന്‍ കാലമാവുബോഴാണ്, ഓര്‍മ്മ്കുറിപ്പുകള്‍ എഴുതുക....ഞാന്‍ ചാകാറായോ ?)








കുരിക്കല്ലേരി എവിടെ?—

കോഴിക്കോടിന്നടുത്തുള്ള ഏതോ ഉള്‍നാടന്‍ ഗ്രാമത്തില്‍നിന്നും
നഗരത്തിലെ ഏതോ സര്‍ക്കാരാപ്പീസില്‍ ക്ലാര്‍ക്കായിജോലിചെയ്തും
നാടക-സിനിമാ അഭിനയങളുമായി കുരിക്കല്ലേരി എന്നൊരു മനുഷ്യന്‍
ഉണ്ടായിരുന്നു,ഇപ്പൊള്‍ അദ്ദേഹം എവിടെയാണ് ?


കുരിക്കല്ലേരിയെപ്പറ്റി ഓര്‍മ്മിക്കാതെ എന്ത് ?നാടകം എന്ത് ജീവിതം ?



1978-79 കാലഘട്ടത്തിലാണ്,മധുമാസ്റ്റ്റുടെ നേത്രുത്വത്തില്‍ മാര്‍ക്സിം ഗോര്‍ക്കിയുടെ വിഖ്യാത നോവല്‍ അമ്മ നാടകമാവുന്നത്.അടിയന്തിരാവസഥ കഴിഞ്ഞ് നക്സലൈറ്റ് പ്രസഥാനം വീണ്ടും കേരളത്തില്‍ സജീവമാകുവാന്‍ നിമിത്തമായത് അമ്മ നാടകത്തോടെയാണ്.ഞാന്‍ കോഴിക്കോട് ഗുരുവായൂരപ്പന്‍ കോളജ് പ്രീ ഡിഗ്രീ വിദ്യാര്‍തി.കോളജ് ലവല്‍ നാടക മത്സരങളില്‍ അഭിനയത്തിന്‍ സമ്മാനം വാങിയത് മാത്രമാണ് .ചതുരനെല്ലിക്കയുടെ കാലം മുതലുള്ള അത്മസുഹ്രുത്ത് പ്രേംചന്ദ് ആണ്,ജീവിതോപദേഷ്ടാവ്.
സുമതിടീച്ചര്‍ ആദ്യമായി കോളജില്‍ ക്ലസ്സെടുക്കുന്നത് ഞങള്‍ക്കായിരുന്നു.(ഇപ്പോള്‍ കോളജ് പ്രിന്‍സിപ്പല്‍-)ടീച്ചറെ കരയിപ്പിച്ചുവിട്ടതില്‍ മുന്‍പന്തിയില്‍ ഉണ്ടായിരുന്നവന്‍ വയനാട്ടുകാരന്‍ പവിത്രനായിരുന്നു, എന്നേയും പ്രേംചന്തിനേയും മധുമാസ്റ്റ്റുമായി ബന്ധിപ്പിച്ച കണ്ണി.അശേഷം നക്സലൈറ്റ് ചിന്തയില്ലാതിരുന്ന പവിത്രന്‍ മധുമാസ്റ്റ്റുടെ വയനാടന്‍ അധ്യാപനകാലത്തെ അരുമശിഷ്യനായിരുന്നു.
വയനാട്ടില്‍നിന്നും നഗരത്തിലെ കോളജ് ഹോസ്റ്റലിലെ റാഗിങില്‍ തോറ്റ് മധുമാസ്റ്ററുടെ വീട്ടിലായിരുന്നു അവന്‍റെ പൊറുതി.




(പവിത്രനെ കഴിഞതവണ കോഴിക്കോട്ടങാടിയില്‍ നിന്നും കളഞ്ഞുകിട്ടിയപ്പോള്‍.........)




മധുമാസ്റ്റ്റെപ്പോലോരാളെ ആചാര്യനായി കിട്ടിയതില്‍ ഞങള്‍ മൂവരും ആഹ്ലാദിച്ചു.തുടര്‍ന്നുള്ള ദിവസങള്‍ കോളജ് വിട്ടാല്‍ നേരെ മധുമാസ്റ്റ്റുടെ വീട്ടിലേക്കാണ്,യാത്ര.പ്രേംചന്ദിന് താത്വിക സംശയങള്‍,എനിക്ക് നാടക താല്‍പ്പര്യങള്‍.മുത്തപ്പന്‍ കാവിന്നരികിലെ മാസ്റ്റ്റുടെ തറവാട് വീടിന്‍റെ തട്ടിന്‍പുറം-അവിടെയായിരുന്നു മാഷിന്‍റെ വാസം-ഞങളുടെ രാഷ്ട്രീയ പാഠശാലയായി



(പ്രേംചന്ദ്...ഇപ്പോള്‍...)



രണ്ട് അവിവാഹിത വാര്‍ധക്യങള്‍,മാഷുടെ അമ്മാവനും ഇളയമ്മയും വിവാഹിതയായ മറ്റൊരു ഇളയമ്മ,അവരും വ്രദ്ധ.ഇവര്‍ക്കാര്‍ക്കും തട്ടിന്‍പുറത്ത് വന്നുപോകുന്നവരെപ്പറ്റി യാതോരു ഉല്‍കണ്‍ഠയും ഇല്ലായിരുന്നു.അയ്യോ എന്‍റെ തലതെറിച്ചുപോയേ എന്നുപറഞു ഇരുകൈകളുംകൊണ്ട് സ്വന്തം തല പൊത്തി പിടിക്കുന്ന അമ്മാവനെ ഞാനോര്‍ക്കുന്നു.അവിവാഹിത ജീവിതത്തിന്‍റെ ഭ്രാന്തന്‍ ഏകന്തതകളില്‍ നിന്നും വീട് വിട്ടിറങി എങോട്ടെങ്കിലും നടന്നകലുന്ന യശോദ ഇളയമ്മ ഇടക്കെല്ലാം തന്നിരുന്ന കട്ടന്‍ചായയുടെ രുചി ഇപ്പോഴും നെന്‍ചിലെരിയുന്നു.

ആയിടക്കാണ്,,വയനാട് സാംസ്കാരികവേദിയുടെ ബാനറില്‍ മധുമാസ്റ്റര്‍ സംവിധാനം ചെയ്ത പടയണി എന്ന നാടകം കാണുവാന്‍ ഞങള്‍ പോകുന്നത്.എന്നെ സംബന്ധിച്ചിടത്തോളം അതൊരു വഴിത്തിരിവായി.എന്നിലെ നാടകത്തെ സംബന്ധിച്ച അല്പജഞാനത്തിന് കിട്ടിയ നല്ലോരു പ്രഹരമായി പടയണി.




എല്ലാ അര്‍ഥത്തിലും എന്നിലെ അതുവരെയുണ്ടായിരുന്ന നാടക സങ്കല്‍പ്പത്തെമാറ്റിക്കളഞ്ഞു.
അതില്‍ സൂത്രധാരനായി അഭിനയിച്ച അലി അക്ബര്‍ (ഇയാള്‍ പിന്നീട് മാമലകള്‍ക്കപ്പുറത്ത്, എന്ന ഒരു ആദിവാസി സിനിമയും നിരവധി സിനിമയും ഉണ്ടാക്കി),കരുണാകരന്‍ മാസ്റ്റര്‍,നബോലന്‍ രവി(മുത്തപ്പന്‍ കാവ് ഭാഗത്തെ അറിയപ്പെടുന്ന ഒരു
നല്ലവനായ ഗുണ്ടയായി ഇയാള്‍ ജീവിച്ചു),മുരളി ഇലക്കാട് തുടങിയവരായിരുന്നു
അഭിനയിച്ചിരുന്നത്.അടിയന്തിരാവസഥയിലെ ഇന്ധ്യയും അധികാര മല്‍സങളുടെ
അടിയൊഴുക്കുകളും പ്രതീകാത്മകമായി അവതരിപ്പിക്കുന്ന ഒന്നായിരുന്നു പടയണി.

പടയണിക്ക് ശേഷം മധുമാസ്റ്റ്റുടെ സ്ഥിരം സന്ദര്‍ശകരായി ഞങ്ങള്‍ മാറി.
ആയിടക്ക് ജയില്‍ മോചിതരും ഒളീവില്‍നിന്നും പുറത്ത് വന്നവരുമായ പാര്‍ട്ടിനേതാക്കള്‍ കരയുന്ന മരക്കോവണി ചവിട്ടിക്കയറി തട്ടിന്‍പുറത്തെ മുറിയിലേക്ക് വരുമായിരുന്നു.

സിവിക് ചന്ദ്രന്‍ എന്ന കവിയെ അങിനെയാണ് ആദ്യം കാണുന്നത്

അപ്പോള്‍ യൂനിവേഴ്സിറ്റി കലോല്‍സവത്തിന്‍റെ സമയമായി.നാടകം അവതരിപ്പിക്കല്‍
എന്‍റെയും സംഘത്തിന്‍റെയും കുത്തകയാണെന്ന് ഞങ്ങള്‍ ധരിച്ച് നടക്കുന്ന കാലം.
നാടകത്തെപ്പറ്റി വലിയ വിവരമില്ലാതിരുന്ന കാലത്ത് ആര്‍ക്കും കളിക്കാവുന്ന എന്‍.എന്‍ .പിള്ളയുടെ ഗുഡ് നൈറ്റ് നാടകം കളിച്ചു കേമത്തം നടിച്ചു നടന്നതല്ലാതെ പുതിയ നാടക സബ്രദായങളെക്കുറിച്ച് യാതൊരു ധാരണയും ഉണ്ടായിരുന്നില്ല്.ധാരണ ഉണ്ടായി വന്നപ്പോഴാണ്‍ മനസ്സിലായത്.എന്‍.എന്‍.പിള്ള തന്നെ എഡ്വ്വേര്‍ഡ് ആല്‍ബിയുടെ സൂ സ്റ്റോറി അടിച്ചുമാറ്റിയതാണ് ഗുഡ്നൈറ്റ് എന്ന്.ഗോഡ് ഫാദര്‍ എന്ന് തമാശ ചിത്രംകൂടി ഇല്ലായിരുന്നെങ്കില്‍ എന്‍.എന്‍.പിള്ളയുടെ കട്ടപ്പൊകയായേനെ


(N N Pillai not Edward അല്ബീ

അപ്പോഴാണ് സിവിക്ക് ചന്ദ്രന്‍ നാലാംയാമം എന്ന ഒരു സ്ക്രിപ്റ്റുമായി വരുന്നത്.അഞാതനാമകര്‍ത്താവായ ഒരാളാണ് നാടകം രചിച്ചത് പറഞ്ഞുവന്നത് നാലാംയാമം എന്ന് നാടകത്തെക്കുറിച്ചാണല്ലോ.
പടയണി നാടകത്തില്‍നിന്നും അടിച്ചുമാറ്റിയ ചില ചലനങളും മധുമാസ്റ്ററുടെ ചില മിനുക്കലുകളും പ്രേംചന്ദ്,പവിത്രന്‍ എന്നിവരുടെ ഇടപെടലുകളും കൂടിയായപ്പോള്‍ നാടകം യൂണിവേഴ്സിറ്റി തലത്തില്‍ ഒന്നാം സമ്മാനം നേടി.പടയണിയുടേയും മറ്റും സ്വാധീനം അവതരണത്തില്‍ ഉണ്ടായിരുന്നെങ്കിലും വര്‍ഷങളായി
മൂന്ന് പന്ധിതന്മാരും പരേതനായ സിംഹവും,അമാലന്മാര്‍ തുടങ്ങിയ ശങ്കരപിള്ള നാടകങള്‍
കണ്ടുമടുത്ത പ്രേക്ഷകര്‍ക്ക് പുതിയ നാലാംയാമം അനുഭവമായി മാറി।പിന്നീട് ചുവന്ന വെളിച്ചവും ചെണ്ടയും അടിമകളും ഉടമകളും വിപ്ലവവും യൂണിവേഴ്സിറ്റി നാടകങളുടെ ഒഴിയാബാധയായി മാറുവാന്‍ നാലാംയാമം നിമിത്തമായി

അപ്പോഴും കുരിക്കല്ലേരി എവിടെ എന്ന ചോദ്യം ബാക്കിയാവുന്നു


(തുടരും......തുടരണമോ?..........)